- સાઉથના સુપરસ્ટાર મહેશ બાબુનો મોટો ભાઈ છે નરેશ
- આજ સુધી નરેશે 3 લગ્ન કાર્ય અને ચોથા હવે કરશે
- અભિનેત્રી પવિત્રા સાથે આજકાલ જોવા મળે છે નરેશ બાબુ
મહેશ બાબુના મોટા ભાઈ છે નરેશ બાબુ
સાઉથના સુપરસ્ટાર મહેશ બાબુના મોટા ભાઈ નરેશ બાબુ આજકાલ પોતાના ચોથા લગ્નના સમાચારો આવી રહ્યા છે. એવા અહેવાલો છે કે નરેશ બાબુ અને તેની ત્રીજી પત્ની રમ્યા રઘુપતિ વચ્ચે સારા સંબંધો નથી. થોડા દિવસ પહેલા હોટલમાં રોકાયેલી રામ્યા પર ચપ્પલથી હુમલો કરવામાં આવતા નરેશ બાબુ અને તેની ત્રીજી પત્નીના સંબંધો વધુ ખરાબ થયા હતા. આ સમયગાળાનો વીડિયો પણ સોશિયલ મીડિયા પર સામે આવ્યો છે, જે ખુબ જ ઝડપથી વાયરલ થઇ રહ્યો છે. આ દરમિયાન પોલીસ વચ્ચે બચાવ કરતી પણ જોવા મળી હતી.
પોલીસે મામલો શાંત પાડ્યો
વીડિયોમાં ઘટના સ્થળે હાજર પોલીસે રામ્યાને રોકી અને ભારે હંગામો કર્યા બાદ તેને હોટલની બહાર લઈ ગયા. તો બીજી તરફ નરેશ પણ રામ્યા પર બૂમો પાડતો જોવા મળ્યો હતો. બંને વચ્ચે આવી લડાઈ જોઈને લોકો પણ આશ્ચર્યમાં મુકાઈ ગયા છે. એવા અહેવાલો પણ છે કે નરેશ બાબુ પવિત્રા સાથે લગ્ન કરવાનું વિચારી રહ્યા છે. જે તેમના ચોથા લગ્ન હશે.
સાવકા ભાઈઓ નરેશ બાબુ અને મહેશ બાબુ છે
59 વર્ષીય નરેશ બાબુ તેલુગુ ફિલ્મોના સુપરસ્ટાર મહેશ બાબુના સાવકા ભાઈ છે. નરેશ દિવંગત અભિનેત્રી વિજયા નિર્મલા અને તેના પહેલા પતિનો પુત્ર છે. બાદમાં વિજયાએ મહેશ બાબુના પિતા અને અભિનેતા કૃષ્ણા સાથે લગ્ન કરી લીધા હતા. નરેશ આ દિવસોમાં સાઉથના પ્રખ્યાત અભિનેતા સાથે પત્ની રામ્યા સાથેની લડાઈને કારણે ચર્ચામાં છે. નરેશ પર પવિત્ર લોકેશ સાથે અફેર હોવાનો આરોપ છે અને બંનેએ લગ્ન પણ કરી લીધા છે. જોકે નરેશે આ અહેવાલોને અફવા ગણાવી છે.
નરેશ બાબુના લગ્નો
નરેશના જણાવ્યા અનુસાર, તેણે પત્ની રામ્યાને છૂટાછેડાની નોટિસ મોકલી હતી, ત્યારબાદ તે અભિનેતાને બદનામ કરવા માટે આવા ખોટા સમાચાર ફેલાવી રહી છે. સાથે જ અભિનેત્રી પવિત્ર લોકેશે પણ નરેશ સાથે લગ્નના અહેવાલોને ખોટા ગણાવ્યા હતા. તમને જણાવી દઈએ કે રામ્યા નરેશની ત્રીજી પત્ની છે. મીડિયા રિપોર્ટ્સ અનુસાર, તેણે પહેલા ડાન્સ માસ્ટર શ્રીનુની દીકરી સાથે અને બીજી લગ્ન રેખા શાસ્ત્રી સાથે કર્યા હતા. તો બીજી તરફ નરેશ અને રામ્યાનો વીડિયો ઈન્ટરનેટ પર વાયરલ થઈ રહ્યો છે.
