નવા નિયમો / કાર ચાલકો માટે મોટા સમાચાર! સીટ બેલ્ટ પર પણ નવો નિયમ લાવી રહી છે મોદી સરકાર, જાણો શું?

• સીટ બેલ્ટને લઇને લેવાઇ શકે છે નિર્ણય
• પાછળ બેસનારે પણ બાંધવો પડશે બેલ્ટ
• રોડ ટ્રાન્સપોર્ટ એન્ડ હાઈવે મંત્રાલયનું નિવેદન

ડ્રાઇવર સીટ પર બેસનાર અને તેની બાજુમાં બેઠા હોય તેઓએ સીટ બેલ્ટ પહેરવો ફરજિયાત છે. પરંતુ હવે આગામી દિવસોમાં કારમાં પાછળ બેસનાર લોકો માટે પણ સીટ બેલ્ટ ફરજિયાત થઇ જશે.  રોડ ટ્રાન્સપોર્ટ એન્ડ હાઈવે મંત્રાલયના એક અધિકારીએ જણાવ્યુ છે કે સરકાર ટૂંક સમયમાં કાર નિર્માતાઓ માટે પાછળની સીટની મધ્યમાં બેઠેલા પેસેન્જર સહિત તમામ કારની સીટો પર માત્ર ત્રણ પોઈન્ટ સીટબેલ્ટ આપવાનું ફરજિયાત બનાવશે.

Y-આકારના બેલ્ટ તરીકે ઓળખાશે

 હાલમાં  દેશમાં ઉત્પાદિત મોટાભાગની કારમાં માત્ર આગળના ભાગમાં ત્રણ-પોઇન્ટ સીટબેલ્ટ અને બે પાછળની સીટ હોય છે, જેને Y-આકારના બેલ્ટ તરીકે ઓળખવામાં આવે છે. જો કે, આ કારોની પાછળની સીટમાં માત્ર બે-પોઇન્ટ અથવા લેપ સીટબેલ્ટ હશે, જેમ કે એરક્રાફ્ટ સીટમાં હોય છે. જે લેપ ઉપર લંબાય છે.

સલામતી રેટિંગમાં સુધારો કરવાનો હેતુ

રોડ ટ્રાન્સપોર્ટ અને હાઈવે મંત્રાલય લગભગ એક મહિનામાં નોટિફિકેશન જારી કરે તેવી શક્યતા છે, ત્યારબાદ લોકો પાસેથી સૂચનો માંગવામાં આવશે. એક વરિષ્ઠ MoRTH અધિકારીએ નામ ન આપવાની વિનંતી કરતાં જણાવ્યું હતું કે સરકાર ભારતમાં ઉત્પાદિત પેસેન્જર કારના સલામતી રેટિંગમાં સુધારો કરવા માગે છે. મંત્રાલયે શોધી કાઢ્યું હતું કે કેટલાક મોડલને બાદ કરતાં ભારતમાં કોઈપણ વાહનમાં પાછળના મધ્યમ મુસાફર માટે ત્રણ-પોઈન્ટ સીટબેલ્ટ નથી. તેમની પાસે ફક્ત એક જ લેપ બેલ્ટ છે, જે અકસ્માતની ઘટનામાં ભાગ્યે જ અસરકારક હોવાનું અમને જણાયું છે, આમ મુસાફરોને મોટા જોખમમાં મૂકે છે.

થ્રી-પોઇન્ટ સીટબેલ્ટ

થ્રી-પોઇન્ટ સીટબેલ્ટ વૈજ્ઞાનિક રીતે બે-પોઇન્ટ બેલ્ટ કરતાં વધુ સુરક્ષિત હોવાનું સાબિત થયું છે કારણ કે તે અથડામણ દરમિયાન છાતી, ખભા અને શરીરની ઊર્જાને વધુ સમાનરૂપે ફેલાવે છે પરિણામે ઓછી ઇજાઓ થાય છે.એક રિપોર્ટના અહેવાલ મુજબ, ઓટોમેકર વોલ્વોએ ત્રણ પોઈન્ટ સીટબેલ્ટ વિકસાવ્યા અને ઓગસ્ટ 1959માં તેમની કારમાં તત્કાલીન પેટન્ટ સીટબેલ્ટ રજૂ કર્યા. જોકે, કંપનીએ જાહેર સુરક્ષાના હિતમાં પેટન્ટ પાછી ખેંચી લીધી હતી.

1 ઓક્ટોબરથી કારમાં છ એરબેગ ફરજિયાત રહેશે

મંત્રાલયના બીજા અધિકારીએ જણાવ્યું હતું કે તમામ પેસેન્જર વાહનો માટે છ એરબેગ ફરજિયાત બનાવવાના સરકારના તાજેતરના પગલા પછી લોકો માટે કારને સુરક્ષિત બનાવવાનું આ બીજું પગલું હશે. હાલમાં, ભારતમાં કારનું સરેરાશ વાહન રેટિંગ પ્રમાણમાં નબળું છે અને મોટા ભાગના મોડલને સલામતીના ધોરણો મુજબ 3-સ્ટાર અથવા તેનાથી ઓછું રેટિંગ આપવામાં આવ્યું છે.

14 જાન્યુઆરીના રોજ, પરિવહન મંત્રાલયે છ એરબેગ્સ ફરજિયાત બનાવવા અંગે જાહેર અભિપ્રાય મેળવવા માટે એક ડ્રાફ્ટ સૂચના બહાર પાડી હતી, જે 1 ઓક્ટોબરથી લાગુ કરવામાં આવશે. એક એનજીઓના અહેવાલ મુજબ, 30 ટકાથી વધુ અકસ્માતોમાં પાછળના સીટબેલ્ટ ન પહેરવાને કારણે મુસાફરોને ઈજાઓ થાય છે.