IPLIN
 
  • Home
  • Entertainment
  • Bollywood
  • Sonu sood arranges a tractor for andhra pradesh poor farmer who is ploughing the field through his daughters

મદદ / ખેડૂત દીકરીઓ પાસે ખેડાવી રહ્યો હતો ખેતર, સોનુ સૂદ જોઈ ગયો અને સાંજ સુધીમાં ઘરે પહોંચાડી દીધી આ વસ્તુ

Team VTV 09:59 AM, 27 Jul 20
Follow us
Sonu sood arranges a tractor for andhra pradesh poor farmer who is ploughing the field through his daughters

વિશ્વમાં કોરોનાએ હાહાકાર મચાવ્યો છે અને લોકો ઘણી બધી પરેશાનીઓનો સામનો કરી રહ્યાં છે. ત્યારે આ સમય દરમિયાન દેશના લોકોએ એક્ટર સોનુ સૂદનો અલગ જ અંદાજ જોયો. લોકડાઉનમાં સોનુ સૂદે હજારો લોકોની મદદ કરતાં ખૂબ જ ચર્ચામાં આવી ગયો છે. તો હવે હાલમાં જ તેણે આંધ્રપ્રદેશના એક ગરીબ ખેડૂતના ઘરે ટ્રેક્ટર મોકલાવી ફરી પોતાની દરિયાદિલી દેખાડી છે.

  • સોનુ સૂદે ફરી કર્યું પ્રસંશનીય કામ
  • એક ગરીબ ખેડૂતના ઘરે મોકલાવ્યું ટ્રેક્ટર
  • વીડિયો થઈ રહ્યો છે વાયરલ

સોનુ સૂદે ગરીબ ખેડૂત નાગેશ્વર રાવને એક નવું ટ્રેક્ટર મોકલ્યું છે. આ ટ્રેક્ટરની ડિલીવરી આંધ્રપ્રદેશના અંતરિયાળ ગામે રહેતા નાગેશ્વરના ઘરે થઈ છે. નાગેશ્વર રાવે આ વિશેષ ભેટ માટે સોનુ સૂદની પ્રશંસા કરી છે. તેણે કહ્યું કે, સોનુ રીલ લાઇફમાં ભલે વિલન હોય, પરંતુ વાસ્તવિક જીવનમાં તે અમારા માટે હીરો છે. હું અને મારો પરિવાર સોનુને આ માટે નમન કરીએ છીએ.

હકીકતમાં રાવનો એક વીડિયો સોશિયલ મીડિયા પર વાયરલ થઈ રહ્યો હતો. આ વીડિયોમાં જોઈ શકાય છે કે નાગેશ્વર રાવ તેની બે પુત્રી સાથે ખેતરમાં ખેતી કરાવી રહ્યો છે. તેની પાસે બળદ ભાડે લેવા માટે પૂરતા પૈસા નહોતા. વીડિયોમાં છોકરીઓને મહેનત કરતી જોઈને દરેકનું હૃદય ઓગળી ગયું પરંતુ આ વીડિયો જોઇને સોનુ સૂદે પરિવારની મદદની જાહેરાત કરી હતી. ખાસ વાત એ છે કે આ પરિવાર માટે ટ્રેક્ટર નાગેશ્વર પહોંચી પણ ગયું છે.

 
 
 
 
 
 
 
 
 
 
 
 
 

🔛

A post shared by Sonu Sood (@sonu_sood) on

ઉલ્લેખનીય છે કે, સોનુ સૂદ અત્યાર સુધી હજારો મજૂરો, વિદ્યાર્થીઓથી લઈને ખેડૂતોની મદદ માટે આગળ આવ્યો છે. હાલમાં જ તેણે દશરથ માંઝીના પરિવારની પણ આર્થિક મદદ કરવાની વાત કહી હતી. આ સિવાય સોનુ સૂદ વિદેશમાં ફસાયેલા હજારો વિદ્યાર્થીઓને પણ વતન પાછા લાવવામાં મદદ કરી રહ્યો છે. 

Sonu Sood arranges a tractor Andhra Pradesh poor farmer
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ