મહામારી / કોરોના સંક્રમિત સોનિયા ગાંધીની તબિયત બગડી, સર ગંગારામ હોસ્પિટલમાં દાખલ કરાયા, જાણો લેટેસ્ટ અપડેટ

• કોંગ્રેસ અધ્યક્ષ સોનિયા ગાંધીની કોરોના તકલીફ વધી
• દિલ્હીની સર ગંગારામ હોસ્પિટલમાં દાખલ કરાયા
• હાલમાં તબિયત સારી- રણદીપ સુરજેવાલાએ કહ્યું 

સોનિયા ગાંધીની તબિયત બગડી છે. તેઓ કોરોના સંક્રમિત છે અને હજુ સુધી તેમનો રિપોર્ટ નેગેટિવ આવ્યો નથી. રણદીપ સુરજેવાલાએ કહ્યું કે તેમને દિલ્હીની ગંગારામ હોસ્પિટલમાં દાખલ કરવામાં આવ્યા છે. ઉલ્લેખનીય છે કે ઈડીએ સોનિયા અને રાહુલ ગાંધીને 23 જૂને નેશનલ હેરાલ્ડ કેસમાં પૂછપરછ માટે બોલાવ્યા છે. આ પહેલા તેઓ 8 જૂને હાજર થવાના હતા, પરંતુ કોરોનાના કારણે આ ડેડલાઈન વધારવામાં આવી છે.

Congress interim president Sonia Gandhi admitted to Ganga Ram Hospital today owing to Covid-related issues. She is stable and will be kept at the hospital for observation, says Congress leader Randeep Singh Surjewala pic.twitter.com/AkDP5ncMg8

— ANI (@ANI) June 12, 2022

રણદીપ સુરજેવાલાએ ટ્વિટ કરીને શું કહ્યું
કોંગ્રેસ પ્રવક્તા રણદીપ સુરજેવાલાએ ટ્વિટ કરીને જણાવ્યું કે કોરોના સંબંધિત તકલીફોને કારણે કોંગ્રેસ અધ્યક્ષ સોનિયા ગાંધીને સર ગંગારામ હોસ્પિટલમાં દાખલ કરવામાં આવ્યાં છે. હાલમાં તેમની તબિયત સારી છે અને તેમને દેખરેખ  માટે હોસ્પિટલમાં રાખવામાં આવશે. સોનિયા ગાંધીને સાજા થવાની શુભેચ્છા પાઠવનાર અને તેમની તબિયતની ચિંતા કરનાર કોંગ્રેસના તમામ મહિલા અને પુરુષ કાર્યકરોનો અમે આભાર માનીએ છીએ. 

સોનિયાને 2 જૂને થયો હતો કોરોના
ઉલ્લેખનીય છે કે સોનિયા ગાંધીને 2 જૂને કોરોના થયો હતો ત્યારે સુરજેવાલાએ ટ્વિટ કરીને જાણકારી આપી હતી. કોરોના પોઝિટીવ થવાની સાથે સાથે તેમને હળવો તાવ પણ આવ્યો હતો. સાથે તેમનામાં કોરોનાના હળવા લક્ષણો પણ જોવા મળ્યાં હતા. ત્યાર બાદ તેઓ આઈસોલેટ થયા હતા અને ડોક્ટરોની દેખરેખમાં તેમની સારવાર ચાલી રહી હતી. 

Congress President Sonia Gandhi admitted to Ganga Ram Hospital owing to Covid related issues: Randeep Surjewala

— Press Trust of India (@PTI_News) June 12, 2022

સોનિયા-રાહુલને ઈડીનું સમન મળ્યું છે 
ઉલ્લેખનીય છે કે ઈડીએ 23 જૂનના દિવસે નેશનલ હેરાલ્ડ કેસમાં પૂછપરછ માટે સોનિયા અને રાહુલ ગાંધીને સમન પાઠવ્યું છે. આ પહેલા તેમણએ 8 જૂને રજૂ થવાનું હતું પરંતુ કોરોનાને કારણે તેમના હાજર થવાનો સમય આગળ વધારી દેવાયો હતો.