- સોનાલી ફોગાટનું ગોવામાં હાર્ટ એટેકને કારણે નિધન થયું હતું
- સોનાલીને બળજબરીથી ડ્રગ્સ આપવામાં આવ્યું હતું.
- પોલીસ આ મામલે સઘન તપાસ કરી રહી છે.
ટિકટોક સ્ટાર અને ભારતીય જનતા પાર્ટીની નેતા સોનાલી ફોગાટનું ગોવામાં હાર્ટ એટેકને કારણે નિધન થયું હતું એ બાબતે હાલ પોલીસે ઘણા મોટા ખુલાસા કર્યા છે. કથિત રીતે સોનાલીના મૃત્યુના કેસના સંદર્ભમાં ગોવા પોલીસે તેના બે સહયોગીઓ પાસે આખી રાત પૂછપરછ કરી હતી અને એ દરમિયાન સોનાલી ફોગાટને ડ્રગ્સ આપવામાં આવ્યું હોવાનું બહાર આવ્યું છે. ગોવા પોલીસે જણાવ્યું હતું કે સોનાલીને બળજબરીથી ડ્રગ્સ આપવામાં આવ્યું હતું. સોનાલી ફોગાટના પીએ સુધીર સાંગવાન અને મિત્ર સુખવિંદર વાસીએ પોલીસની પૂછપરછ દરમિયાન સોનાલીને બળજબરીથી ડ્રગ્સ આપ્યાની કબૂલાત કરી હતી.
પોલીસે કર્યો ખુલાસો
પોલીસે જણાવ્યું હતું કે, 'જ્યાં જ્યાં સુધીર સાંગવાન અને સુખવિંદર વાસી સોનાલીને લઈ ગયા હતા એ દરેક જગ્યાને સીસીટીવી ફૂટેજ અમે નિકાળી અને એ સીસીટિવમાં સામે આવ્યું હતું કે ઘણા લોકો પાર્ટી કરી રહ્યા છે એ સમયે સોનાલીને ડ્રિંકમાં કશું ભેળવીને આપવામાં આવ્યું હતું અને એ વિડીયો જોયા પછી પૂછપરછ કરતાં એમને કબૂલાત કરી હતી કે સોનાલીને બળજબરીથી ડ્રિંક્સમાં ભેળવીને ડ્રગ્સ આપ્યું હતું.'
પોલીસ આ મામલે સઘન તપાસ કરી રહી છે. પોલીસ હોટલ સ્ટાફની સાથે અન્ય લોકોની પૂછપરછ કરી હતી. સાથે પોલીસ આ દિવસોમાં સોનાલી કોને કોને મળી હતી અને તે કયા હેતુથી ગોવા પહોંચી હતી તેની માહિતી એકત્ર કરવામાં પણ વ્યસ્ત છે.
અચાનક નિધન પર સવાલ
સોનાલી ફોગાટે 2019માં હરિયાણા ચૂંટણીમાં બીજેપીની ટિકિટ પર આદમપૂરથી વિધાનસભા ચૂંટણી લડી હતી. આ સાથે જ તે રિયાલિટી શો બિગ બોસનો પણ ભાગ રહી ચૂકી છે. માત્ર 42 વર્ષની ઉંમરે સોનાલીએ દુનિયાને અલવિદા કહી દીધું હતું અને એ પછી ઘણા લોકો એમના અચાનક નિધન પર સવાલ ઉઠાવી રહ્યા હતા.
આ VIDEO ના આધારે ખૂલ્યા રાજ:
ફોન પર કરી વાત
નિધન પહેલા મા સાથે ફોનમાં વાત કરતાં સમયે સોનાલીએ કહ્યું હતું કે, 'મારા ખાવામાં કોઈ ગડબડ લાગી રહી છે અને તેને કારણે મારા શરીરમાં પણ ગડબડ થતી હોય એવું લાગે છે. જાણે કોઈએ મારા પર કશું કર્યું હોય એવું લાગે છે.'
ગોવામાં હાર્ટ અટેકનાં કારણે ગુમાવ્યો જીવ
મૃત્યુનાં થોડા સમય પહેલા સોનાલી ફોગાટે પોતાનો એક વિડીયો પોસ્ટ કર્યો હતો. સાથે જ ટ્વિટર અકાઉન્ટ પર પોતાની પ્રોફાઇલ પિક્ચર પણ બદલી હતી. તમને જણાવી દઈએ કે સોનાલી ફોગાટ પોતાના થોડા સ્ટાફ મેમ્બર સાથે 22-25 તારીખ સુધી ગોવા ટુર પર ગઈ હતી.
