ભાજપ તરફથી મહારાષ્ટ્રમાં ચૂંટણીમાં જીત મેળવનારા રામ સતપુતે શનિવારે મીડિયા સાથે વાતચીત કરી. એક સામાન્ય પરિવારમાંથી આવનાર સતપુતેએ પોતાની જીત પર ખુશી વ્યક્ત કરી હતી.
મારા માતા-પિતાને કંઇ ખબર ન હતી કે ધારાસભ્ય શું હોય છેઃ રામ સતપુતે
દેવેન્દ્ર ફડણવીસના નજીકના માનવામાં આવે છેઃ રામ સતપુતે
રામે એબીવીપી અને યુવા મોર્ચા માટે લાંબો સમય કામ કર્યું
તેમણે કહ્યું કે, મારા માટે ખુશીની વાત છે અને આ એવું જ છે જેમ હાલમાં એક ફિલ્મ આવી હતી જેમાં કહેવામાં આવ્યું હતું કે રાજાકા બેટા રાજા નહીં બનેગા, જે અસલી હકદાર હોગા વહી રાજા બનેગા.
જણાવી દઇએ કે, મહારાષ્ટ્રની માલશિરસ બેઠકથી જીતેલા ધારાસભ્ય રામ સતપુતના પિતા વિઠ્ઠલ સતપુતે એક ખાંડની મિલમાં મજૂરી કરતા હતા. ત્યારે રામ લાંબા સમયથી એબીવીપી અને યુવા મોર્ચા માટે કામ કરતા રહ્યા છે. તેમને દેવેન્દ્ર ફડણવીસના નજીકના માનવામાં આવે છે.
#WATCH Ram Satpute, winning candidate from Malshiras constituency of Maharashtra: It was a very glad moment for me. Being son of a labourer... like from recent movie 'Raja ka beta Raja nahi banega, jo asli haqdar hoga wahi Raja banega'. pic.twitter.com/rp3wEpQKAT
રામે કહ્યું કે, હું બે-ત્રણ વર્ષથી ત્યાં કામ કરી રહ્યો હતો. મારા માતા-પિતાને કંઇ ખબર ન હતી કે ધારાસભ્ય શું હોય છે, પરંતુ તેમને લાગતુ હતું કે લોકો આવે છે અને મળે છે તો છોકરો કંઇક સારૂ જ કરી રહ્યો હશે. મારી જેવા એક ગરીબ પરિવાર અને પછાત સમાજથી આવેલ કાર્યકર્તાને મુખ્યમંત્રી શ્રી અને આઠવલે સાહબે જે ક્ષમતા આપવાનું કામ કર્યું છે, તે હું ક્યારે નહીં ભૂલી શકું.