સંબંધોને થયું છે શું? / રૂ.3 હજાર માટે દીકરાએ માતા સાથે મળી કરી પિતાની હત્યા, શરીરના 6 ટુકડા કર્યા બાદ જે કર્યું તે જાણી હોશ ઊડી જશે

• પશ્ચિમ બંગાળમાં એક ચોકાવનાર કિસ્સો
• પુત્રએ પિતાની હત્યા કરીને કર્યા 6 ટુકડા
• પિતા પાસે 3 હજાર રૂ.ને લઈને વિવાદ થયો હતો

પશ્ચિમ બંગાળમાં હત્યાનો એક કિસ્સો સંભાળીને તમારા હોશ ઉડી જશે. અહી દિલ્હીમાં શ્રદ્ધા વોકરની હત્યા જેવો જ એક કિસ્સો સામે આવ્યો છે. પશ્ચિમ બંગાળમાં પત્નીએ પુત્ર સાથે મળીને પતિની હત્યા કરી નાખી. આટલું જ નહીં હત્યા બાદ તેની લાશના 6 ટુકડા કરી અલગ-અલગ જગ્યાએ ફેંકી દીધા હતા. મામલો 12 નવેમ્બરનો છે. આ બાબત 15 નવેમ્બરના રોજ પ્રકાશમાં આવી, જ્યારે પત્ની અને પુત્ર ગુમ થયાની ફરિયાદ નોંધાવવા બરુઈપુર પોલીસ સ્ટેશન ગયા.

પિતાએ ન આપ્યા 3 હજાર રૂપિયા, પછી હત્યા કરવામાં આવી
બરુઈપુર પોલીસના જણાવ્યા અનુસાર, મૃતક 55 વર્ષીય ઉજ્જવલ ચક્રવર્તી પૂર્વ નૌસેનામાં હતા. પત્ની અને પુત્રએ જણાવ્યું કે તે હંમેશા તેમને ટોર્ચર કરતા હતા. થોડા દિવસ પહેલા પુત્રએ પરીક્ષા આપવા માટે પિતા પાસે 3000 રૂપિયા માંગ્યા હતા, પરંતુ તેણે પૈસા આપવાની ના પાડી દીધી હતી. આ વાતને લઈને બંને વચ્ચે ઘણી બોલાચાલી થઈ અને ઉજ્જવલના પિતાએ પુત્રને થપ્પડ મારી દીધી. જવાબી કાર્યવાહીમાં, પુત્રએ પિતાને ધક્કો માર્યો, જે ખુરશી સાથે અથડાયા બાદ બેભાન થઈ ગયા. આ પછી પુત્રએ તેનું ગળું દબાવીને હત્યા કરી હતી.

પુત્રએ કરવતથી પિતાના ટુકડા કરી નાખ્યા
આરોપી પુત્ર પોલિટેકનિક કોલેજમાં ફર્નિચર ક્રાફ્ટનો વિદ્યાર્થી છે. તેણે જણાવ્યું કે હત્યા બાદ તે પિતાને બાથરૂમમાં લઈ ગયો. પછી પોતાની સુથારી કીટમાંથી હેક્સો(કરવત) વાપરીને, તેના પિતાના શરીરના 6 ટુકડા કરી નાખ્યા. તે ટુકડાઓનો નિકાલ કરવા માટે સાયકલ લઇ જતો હતો. ખાસ મલ્લિક અને દેહીમેદન મલ્લા વિસ્તારમાં 500 મીટર દૂર પિતાના શરીરના અંગોને 6 જગ્યાએ ફેંકવામાં આવ્યા હતા. મલ્લિકમાં કચરાના ઢગલામાંથી બે પગ મળી આવ્યા હતા, જ્યારે માથું અને પેટ દેહીમદાન મલ્લાના તળાવમાંથી મળી આવ્યા હતા, પોલીસે જણાવ્યું હતું. બાકીના ભાગોની શોધ ચાલી રહી છે.

ગુમ થયાની ફરિયાદ પર ખુલાસો
માતા અને પુત્ર 15 નવેમ્બરે તેમના પિતાના ગુમ થયાની ફરિયાદ નોંધાવવા પોલીસમાં ગયા હતા. પોલીસે બંનેની પૂછપરછ કરી તો માતા-પુત્રની વાત સાંભળીને તેમને શંકા ગઈ. આ પછી પોલીસે બંનેને ઘણા પ્રશ્નો પૂછ્યા અને પુત્રએ કબૂલ્યું કે તેણે જ પિતાની હત્યા કરી છે. પોલીસે બંનેની ધરપકડ કરી છે.