નિર્ણય / દેશની મોટી સરકારી કંપનીઓએ ઘટાડ્યા વ્યાજ દરો, જાણો તમારા ખીસ્સા પર શું થશે તેની અસર

• મોટી સરકારી કંપનીઓએ ઘટાડ્યા વ્યાજદર
• તમામ પ્રકારની લોન પર ઘટાડ્યા વ્યાજદર
• વ્યાજદરોમાં 0.40 ટકા સુધી ઘટાડી દેવાયા

કેન્દ્ર સરકારની માલિકીની બિન-બેન્કિગ નાણાકીય કંપનીઓ, પાવર ફાઈનાન્સ કૉર્પોરેશન (PFC-Power Finance Corporation Limited) અને આરઈસી લિમિટેડ (REC-Rural Electrification Corporation Limited)એ તમામ પ્રકારની લોન પર પોતાના વ્યાજ દરો (Interest Rates) ઘટાડવાની જાહેરાત કરી છે. કંપનીઓએ એક્સચેન્જને જણાવ્યું કે, વ્યાજ દરો 0.40 ટકા સુધી ઓછા કરી દેવામાં આવ્યા છે.

કેન્દ્રીય વિદ્યુત અને નવીન તેમજ નવીનીકરણીય ઉર્જા મંત્રી આર.કે. સિંહે લોનના દરોને ઓછા કરવા અને પ્રતિસ્પર્ધી બની રહેવા માટે બંન્ને કંપનીઓ દ્વારા કરવામાં આવી રહેલા પ્રયાસોના વખાણ કર્યા છે. છેલ્લા લગભગ એક વર્ષમાં આ બંન્ને કંપનીઓએ લોનના દરોમાં 3 ટકા સુધીની કમી કરી છે.

નવા વ્યાજ દરો

અક્ષય ઉર્જાને પ્રોત્સાહન આપવા માટે લાંબી અવધિના નાણાકીય પોષણની જરૂર હોય છે, એવામાં આ દરોને સંશોધિત કરી 8.25 ટકા કરી દેવામાં આવ્યા છે. છેલ્લા એક કે બે વર્ષોમાં આ સંગઠનો દ્વારા ઉધારના ઓછા ખર્ચના કારણે દરોમાં કમી સંભવ થઈ છે. પાવર ફાઈનાન્સ કૉર્પોરેશન અને આરઈસી લિમિટેડ પહેલાથી જ 6.25%ના ન્યૂનતમ વ્યાજ દરો પર ટૂંકા ગાળાની લોન પ્રદાન કરી રહ્યા છે.

તેનાથી શું થશે અસર

આર.કે.સિંહનું કહેવું છે કે, પાવર ફાઈનાન્સ કૉર્પોરેશન અને આરઈસી લિમિટેડ દ્વારા લોનના દરોમાં સતત કમી કરવાથી ઉર્જા ઉપયોગિતાઓને પ્રતિસ્પર્ધી દરો પર ઉધાર લેવા અને વિજળી ક્ષેત્રના મૂળભૂત ઈન્ફ્રાસ્ટ્રક્ચરમાં સુધાર માટે રોકાણ કરવામાં મદદ મળશે, જેનાથી ઉપભોક્તાઓને વિશ્વસનીય રીતે અને સસ્તી વિજળીના લાભ મળશે.

શું કરે છે PFC-Power Finance Corporation Limited

પીએફસીની રચના 1986માં થઈ હતી. તે દેશમાં વિજળી સેક્ટરને પ્રોત્સાહન આપે છે. તેની સાથે જોડાયેલી કંપનીઓને લોન આપવાનું કામ કરે છે. આ કંપનીને મહારત્નનો દરજ્જો મળેલો છે.

શું કરે છે REC-Rural Electrification Corporation Limited

દેશના ગ્રામીણ વિસ્તારોમાં વિજળી પહોંચાડવામાં REC મદદ કરે છે. આ એક સરકારી કંપની છે. દેશના વિજળી મંત્રાલય અંતર્ગત આ કંપની આવે છે. આ કંપનીને નવરત્ન દરજ્જો પ્રાપ્ત છે.

આ કંપનીનો ઉદ્દેશ્ય દેશની ગ્રામીણ પરિયોજનાઓને પ્રોત્સાહન આપવાનો છે. આ રાજ્ય વિજળી બોર્ડ, રાજ્ય સરકારોના વિજળી વિભાગ અને સહકારી સમિતિઓને તેમની ગ્રામીણ વિદ્યુતીકરણ માટે પૈસા પૂરા પાડે છે.