ખેડાજિલ્લાના નડિયાદમાં નવજાત જન્મેલા બાળકોને વેચી દેવાના કૌભાંડનો પર્દાફાશ થયો છે. પોલીસ છટકું ગોઠવી ડમી ગ્રાહક બની નાના બાળકોના ચાલતા વેપલાને ઉઘાડો પાડ્યો છે. જેમાં માતા સાથે 4 મહિલા બાળકને વેચવા આવાત રંગેહાથ ઝડપાઇ ગઈ હતી. સમગ્ર કૌભાંડમાં નજીવી રકમમાં બાળક લઇ ઉંચી કિંમતે વેચવામાં આવતું હતું જે માટે પરપ્રાંતમાંથી ગરીબ મહિલાઓને નડિયાદ લાવી ડિલિવરી કરાવવામાં આવતી હતી. જે પછી થોડા સમય બાદ બાળકને ઊચી કિમતે બાળકોના દલાલોને પધરાવી દેવામાં આવતું હતું.
પોલીસે ડમી ગ્રાહક બની રંગેહાથ ઝડપી
નવજાત બાળકના વેપલાની જાણકારી પોલીસને મળતા જ આ માટેની તૈયારી કરી આરોપીને પકડવા પોલીસે છટકું ગોઠવ્યું હતું. જેમાં પોલીસ ડમી ગ્રાહક બની નવજાત બાળક લેવા આરોપી મહિલાઓનો કોન્ટેક્ટ કર્યો હતો. બાતમીના આધારે ખેડા SOGએ મહિલા PSI આર.ડી.ચૌધરી અને અન્ય બે મહિલા કોન્સ્ટેબલની મદદ લીધી હતી. મહિલા PSI ડમી માતા બનીને આ રેકેટમાં સામેલ મહિલાનો કોન્ટેક્ટ કર્યો હતો. આ દરમિયાન માયાબેનની સાથે અન્ય મોનિકા મહેશ શાહ, પુષ્પા સંદીપ પટેલિયા પણ હાજર હતી. આ પછી ડમી માતા બની ગયેલી મહિલા PSIએ તેને એક બાળક જોઈએ છે એવી વાત કરતાં આ ત્રણેય મહિલાએ થોડીવાર લાગશે તેમ કહી દૂર જઈ વાતો કરતી હતી જે બાદ બાળકનો 6 લાખમાં સોદો થયો હતો. જ્યારે બાળક સાથે માતા અને 4 આરોપીઓ સોદો પાડવા આવો ત્યારે ડમી ગ્રાહક બનેલા પોલીસે રંગેહાથે ઝડપી પાડી હતી
પરપ્રાંતિય ગરીબ મહિલાને ફોસલાવી ગર્ભ ધારણ કરાવવામાં આવતું
પ્રાથમિક માહિતી અનુસાર સમગ્ર નવજાત બાળકની તસ્કરીમાં પરપ્રાંતિય ગર્ભ ધારણ કરેલી ગરીબ મહિલાને પસંદ કરવામાં આવતી હતી, જો ગર્ભ ધારણ ન કરેલો હોય તો ગર્ભ ધારણ કરાવી બાળક આપવા માટે થોડા રૂપિયા આપી તેણે છૂટી કરી દેવામાં આવતી હતી અને બીજા મહિલાને ફોસલાવવાનો કારસો રચવામાં આવાતો હતો. આરોપી મહિલાઓ ગરીબ મહિલાઓને લાવી ડિલિવરી કરાવતી હતી. ત્યાર બાદ તેને અમુક રકમ આપી બાળક મેળવી લેતી અને અહીં તેને મેળવવા ઈચ્છતા લોકો પાસેથી ઊંચી કિંમત લઈ તેનું વેચાણ કરતી હતી.
પોલીસ પૂછપરછમાં મોટા ખુલાસા
બાળકની માતા પાસેથી આરોપી મહિલાઓ 1.50 લાખમાં સોદો કર્યો હતો
