સુરક્ષાની વાત / સોશિયલ મીડિયા માટે કડકમાં કડક નિયમ બનાવવા માટે તૈયાર છે મોદી સરકાર, જોઈ લો શું છે પ્લાન

કેન્દ્રીય મંત્રી અશ્વિની વૈષ્ણવે શુક્રવારે સ્પષ્ટ કરી દીધું છે કે, જો લોકસભા અને રાજ્યસભામાં સહમતી બનાવી લેશે તો, સરાકર સોશિયલ મીડિયા માટે કડક નિયમો બનાવવા માટે તૈયાર છે. આ દરમિયાન તેમણે વિપક્ષ પર પણ સવાલો ઊભા કર્યા. વૈષ્ણવે કહ્યું કે, જ્યારે પણ સરકાર સોશિયલ મીડિયાને વધારે જવાબદાર બનાવવા માટે કોઈ પગલા ભરે છે, તો વિપક્ષ આરોપ લગાવે છે કે, તેનાથી બોલવાની આઝાદી છીનવાઈ જશે.

કેન્દ્રીય મંત્રીએ રાજ્યસભાને જણાવ્યું કે, સરકાર સોશિયલ મીડિયાને જવાબદાર બનાવવા માટે વધારે કડક નિયમો બનાવવા માટે તૈયાર છે. તેમણે કહ્યું કે, મારુ વ્યક્તિગત રીતે માનવું છે કે, નાગરિકોની સુરક્ષા માટે આપણે કડક નિયમો બનાવવા જોઈએ. હાલમાં આપણે સંવૈધાનિક ઢાંચા અનુસાર કામ કરી રહ્યા છીએ.

ભારતીય જનતા પાર્ટીના સુશીલ મોદીએ જાણવા માગ્યું કે, મુસ્લિમ મહિલાઓની તસ્વીરોને અપમાનજનક રીતે બતાવવા બદલ તે સાઈટ્સ વિરુદ્ધ શું કાર્યવાહી કરવામાં આવી. તેના પર તેમણે કહ્યું કે, ઓનલાઈન મહિલાના સન્માનની રક્ષા કરવી એક મૌલિક બાબત છે અને તેમાં કોઈ સમાધાન કરી શકાય નહીં. તેમણે કહ્યું કે, આ અમારી કટિબદ્ધતા છે. જો પણ જાણકારી અમારી પાસે આવશે, તેના પર તાત્કાલિક કાર્યવાહી કરવામાં આવશે.

31 જાન્યુઆરીએ માહિતી અને પ્રસારણ મંત્રાલય તથા આઈટી મંત્રાલયના વરિષ્ઠ અધિકારીઓએ ગૂગલ, ફેસબુક, યુટ્યૂબ અને ટ્વિટરના અધિકારીઓ સાથે બેઠક કરી હતી. જેથી વિવાદીત કંટેટને ફ્લૈગ, ડિમોટ અથવા હટાવી શકાય. એક રિપોર્ટમાં જણાવ્યા અનુસાર માહિતી અને પ્રસારણ મંત્રાલય તરફથી બોલાવામાં આવેલી બેઠકમાં શામેલ થયેલા લોકો બતાવે છે કે, આ એક વારની મીટિંગ નહોતી. તેમણે જણાવ્યું કે, જો વધારે નહીં તો, કમ સે કમ દર ત્રિમાસિકમાં એક વાર તેને આયોજીત કરવામાં આવશે. જેથી સરકારને કંટેટ હટાવાની પ્રક્રિયાની જાણકારી આપી શકાય.