ક્રિકેટ / આ ઝેરી પ્રાણી આવી જતા રણજી ટ્રોફીની મેચ અટકાવાઈ ; ખેલાડીઓમાં ફફડાટ 

વિજયવાડામાં યોજાયેલી આંધ્રપ્રદેશ અને વિદર્ભ વચ્ચેની રણજી ટ્રોફીની મેચ શરુ થતા પહેલા મેદાનમાં સાપ ફરતો દેખાયો હતો. આ કારણોસર મેચને મોડી શરુ કરવામાં આવી હતી.

રણજી ટ્રોફીની વિજયવાડામાં યોજાયેલી આંધ્રપ્રદેશ અને વિદર્ભ વચ્ચેની ગ્રુપ Aની મેચમાં એક સાપ આવી ચડતા મેચને મોડી શરૂ કરી હતી. 

BCCIના સત્તાવાર ટ્વીટર હેન્ડલ વડે મુકવામાં આવેલ વીડિઓમાં સ્પષ્ટ દેખાય છે કે સાપ ઝડપથી મેદાન ઉપર સરકી રહ્યો છે અને ખેલાડીઓ આશ્ચર્યજનક અને ભયભીત ચહેરે આ જોઈ રહ્યા છે.

સદનસીબે ટૂંક સમયમાં મેચ ચાલુ કરવામાં આવી હતી. વિદર્ભના કેપ્ટન ફૈઝ ફૈઝલે ટોસ જીતીને બોલિંગ પસંદ કરી હતી. આંધ્રની કેપ્ટનશિપ ભારતીય ખેલાડી હનુમા વિહારી સાંભળી રહ્યો છે. 

SNAKE STOPS PLAY! There was a visitor on the field to delay the start of the match.

Follow it live - https://t.co/MrXmWO1GFo#APvVID @paytm #RanjiTrophy pic.twitter.com/1GptRSyUHq

— BCCI Domestic (@BCCIdomestic) December 9, 2019

86મી રણજી ટ્રોફીનો સોમવારથી આરંભ થયો છે જેમાં ગ્રુપ A અને Bની ટોચની 5 ટીમો ગ્રુપ Cની ટોચની 2 ટીમો સામે ટકરાશે. ફૈઝલની આગેવાનીમાં વિદર્ભ આંધ્રપ્રદેશ સામે મજબૂત પ્રારંભ કરીને સતત ત્રીજી વખત રણજી ટાઇટલ પોતાના નામે કરવા મેદાને પડશે.

આ સામે આંધ્રએ ખરાબ શરૂઆત કરીને પોતાની બેટિંગનો પ્રારંભ કર્યો છે. આંધ્રના બંને ઓપનર CR જ્ઞાનેશ્વર અને પ્રશાંત કુમાર અનુક્રમે 8 અને 10 રને રજનીશ ગુરબાની અને યશ ઠાકુરનો શિકાર બન્યા હતા. જો કે ત્યાર બાદ કેપ્ટન હનુમા વિહારીએ બાજી સાંભળી હતી.