ઓટો ઇન્ડસ્ટ્રીમાં મંદી યથાવત્ છે. જાન્યુઆરીમાં પેસેન્જર્સ વાહનોનાં વેચાણમાં 6.2 ટકા ઘટાડો નોંધાયો છે. ઓટોમોબાઇલ ઉદ્યોગ સંગઠન સીઆમના જણાવ્યા અનુસાર જાન્યુઆરી-2019માં કુલ 2,80,091 પેસેન્જર વાહન વેચાયાં હતાં, જે ઘટીને જાન્યુઆરી-2020માં 2,62,714 થયાં છે.
જાન્યુઆરી-2020માં તમામ પ્રકારનાં વાહનોના વેચાણમાં 14 ટકાનો ઘટાડો
જાન્યુઆરીમાં મોટરસાઇકલનું વેચાણ 15.17 ટકા ઘટીને 8,71,886 યુનિટ પર આવી ગયું
જાન્યુઆરી-2020માં તમામ પ્રકારનાં વાહનોનું કુલ વેચાણ 14 ટકા ઘટીને 17,39,975 યુનિટ થઇ ગયું છે.
કારનાં વેચાણમાં પણ 8.1 ટકાનો ઘટાડો થયો છે. જાન્યુઆરી-2019માં 1,79,324 કાર વેચાઇ હતી તેની સામે જાન્યુઆરી-2020માં કારના વેચાણનો આંકડો 1,64,793 છે. આ ઉપરાંત જાન્યુઆરીમાં મોટરસાઇકલનું વેચાણ 15.17 ટકા ઘટીને 8,71,886 યુનિટ પર આવી ગયું છે, જે ગઇ સાલ 10,27,766 યુનિટ હતું.
જાન્યુઆરીમાં ટુ વ્હીલર્સનું કુલ વેચાણ 16.06 ટકા ઘટીને 13,41,005 યુનિટ પર આવી ગયું છે, જે ગઇ સાલ 15,97,528 યુનિટ હતું. જાન્યુઆરીમાં દેશમાં કુલ 75,289 કોમર્શિયલ વાહનોનું વેચાણ થયું હતું, જે જાન્યુઆરી-2019ની તુલનાએ 14.04 ટકા ઓછું છે.