ગૌરવ / ગુજરાતનાં ઈતિહાસમાં પહેલી ઘટના: T-20 ટીમમાં અડધોઅડધ ખેલાડી એકલા આણંદથી

• આણંદની મહિલા ખેલાડીઓનો દબદબો
• રાજ્ય ટી-20 ક્રિકેટ ટીમમાં પસંદગી
• 6 મહિલા ખેલાડીઓની પસંદગી

એક સમય હતો કે જ્યારે મહિલાઓની જગ્યા તો માત્ર રસોડામાં જ ગણાતી. ઘરની ચાર દિવાલો જ તેઓની દુનિયા ગણાતી. પરંતુ સમય જતા બધુ બદલાઇ રહ્યુ છે. મહિલાઓ પુરુષની સમોવડી બની રહી છે. અરે હવે તો પુરુષ કરતા પણ આગળ નીકળી ગઇ છે.  માન્યતાઓ અને રૂઢિઓ તોડીને મહિલાઓ પોતાનો આગવો ઇતિહાસ રચી રહી છે. ત્યારે ભારતની સૌથી લોકપ્રિય રમત ક્રિકેટમાં શેની પાછી રહે ?  બાળકોથી માંડીને વૃદ્ધો સુધીના તમામ લોકોમાં ક્રિકેટનો જબરદસ્ત ક્રેઝ જોવા મળે છે ત્યારે મહિલાઓએ પણ આ રમતમાં પાછળ વળીને જોયુ નથી.  મહિલાઓએ પણ ક્રિકેટમાં પોતાનું સ્થાન બનાવ્યુ છે એન એટલે જ આજે ઇતિહાસમાં પહેલી એવી ઘટના બની જેનો આપણો સૌ ગર્વ અનુભવીશું. ત્યારે જાણીએ આ ઐતિહસિક ઘટના વિશે

 ગુજરાતના ઇતિહાસમાં પ્રથમવાર

ગુજરાત માટે ફરી એકવાર ગૌરવ કરવા જેવી વાત સામે આવી છે.. આણંદની 6 મહિલા ખેલાડીઓની રાજ્યની સિનિયર ક્રિકેટ ટીમમાં પસંદગી થઇ છે. રાજ્યની ટી-20 ટીમમાં આ 6 મહિલા ખેલાડીની પસંદગી કરવામાં આવી છે. જે ગુજરાતના ઇતિહાસમાં પહેલી ઘટના છે. રાજ્યની સિનિયર મહિલા ટીમમાં 50 ટકા પ્રતિનિધિત્વ આણંદ કરશે.

આ મહિલાઓને મળ્યું સ્થાન
સનિયર મહિલા ખેલાડીઓ માટેની આંતરરાજ્ય ટ્વેન્ટી-20 ક્રિકેટ સ્પર્ધા માટેની ગુજરાતની ટીમમાં આણંદ જિલ્લાની છ મહિલાખેલાડીઓનો સમાવેશ કરાયો છે.

• સીમરન પટેલ
•  ભાવના ગોપલાની
•  પિનલ તળપદા
•  અંજલી પટેલ
•  લીસા જોષી 
•  મનાલી વાઘેલા

આણંદ જિલ્લામાં હરખની લાગણી

આણંદ જિલ્લામાં સૌ પ્રથમ વાર સિનિયર મહિલા ક્રિકેટરની રાજ્યની ટી-20 ટીમમાં પસંદગી થતા જિલ્લામાં હરખની લાગણી જોવા મળી રહી છે. જિલ્લાવાસીઓ આ મહિલાઓની સફળતાને લઇને ઘણા જ ખુશ થયા છે.  આણંદ જિલ્લા ક્રિકેટ એશોસિએશન નેજા હેઠળ ક્રિકેટ મેચ રમી રહેલી સિનિયર મહિલાઓમાંથી 6 મહિલા ખેલાડીઓનો ઉત્કૃષ્ઠ પર્ફોમન્સ બદલ ગુજરાતની ટી-20 ટીમમાં સામેલ કરવામાં આવી છે.