મનોરંજન / 'લેડી સિંઘમ'ના અવતારમાં દેખાશે દીપિકા પાદુકોણ, પહેલી વખત અજય દેવગણની સાથે શેર કરશે સ્ક્રીન

• રોહિત શેટ્ટીની અપકમિંગ ફિલ્મ સિંઘમ અગેનમાં દીપિકાની એન્ટ્રી થઇ
• ફિલ્મમાં દીપિકા હવે લેડી સિંઘમના પાત્રમાં હોબાળો મચાવવા તૈયાર 
• અજય દેવગણની સાથે દીપિકા પહેલી વખત સ્ક્રીન શેર કરશે 

ફિલ્મ સિંઘમ અગેનમાં દીપિકા પાદુકોણની એન્ટ્રી

મીડિયા રિપોર્ટસ મુજબ દીપિકા પાદુકોણની એન્ટ્રી જાણીતા ફિલ્મ નિર્દેશક રોહિત શેટ્ટીની અપકમિંગ ફિલ્મ સિંઘમ અગેનમાં એન્ટ્રી થઇ ગઇ છે અને રોહિતની આ ફિલ્મમાં દીપિકા હવે લેડી સિંઘમના પાત્રમાં હોબાળો મચાવવા તૈયાર છે. હાલમાં ફિલ્મ સિંઘમ ફ્રેન્ચાઈઝીની ત્રીજી ફિલ્મની જાહેરાત કરવામાં આવી હતી. 

અજયની સાથે દીપિકા પહેલી વખત સ્ક્રીન શેર કરશે

ફિલ્મ સમીક્ષક તરણ આદર્શે પોતાના ઈન્સ્ટાગ્રામ પર અજય દેવગણનુ એક પોસ્ટર શેર કર્યુ હતુ. આ પોસ્ટર પર ફિલ્મનુ નામ સિંઘમ અગેન લખ્યું હતુ. તો અજય દેવગણની સાથે દીપિકા પહેલી વખત સ્ક્રીન શેર કરતા દેખાશે. એવામાં અજય અને દીપિકા બંનેના પ્રશંસકો માટે આ કોઈ મોટા સમાચારથી ઓછુ નથી. મહત્વનું છે કે, રોહિત શેટ્ટી અને અજય દેવગણ પહેલા પણ ઘણી ફિલ્મોમાં એકસાથે કામ કરી ચૂક્યા છે. આ બંને જ્યારે પણ સાથે આવ્યાં છે, ઓડિયન્સનુ ભરપૂર મનોરંજન થયુ છે. આ બંને સિંઘમ, સિંઘમ 2 અને ગોલમાલ ફ્રેન્ચાઈઝીમાં એકસાથે કામ કરી ચૂક્યા છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Taran Adarsh (@taranadarsh)

દીપિકા ફિલ્મ સર્કસમાં કેમિયો કરશે

તો દીપિકા પણ રોહિતની મોસ્ટ અવેટેડ ફિલ્મ સર્કસમાં કેમિયો કરતા દેખાશે. આ ફિલ્મમાં તેના પતિ અને અભિનેતા રણવીર સિંહ લીડ રોલમાં છે. આ ઉપરાંત દીપિકા બોલીવુડ સુપરસ્ટાર શાહરૂખ ખાનની સાથે તેમની અપકમિંગ ફિલ્મ પઠાણમાં પણ મહત્વની ભૂમિકામાં જોવા મળશે.