IPLIN
 

દુઃખદ / ઓસ્કર વિજેતા સિંગર એઆર રહેમાનની માતાનું થયું નિધન, સિંગરે પોતે આપી જાણકારી

Team VTV 03:01 PM, 28 Dec 20
Follow us
singer ar rahman mother kareema begum passes away

ઓસ્કર વિજેતા સિંગર અને કમ્પોઝર એઆર રહેમાનની માતા કરીમા બેગમનું નિધન થઈ ગયું છે. તેમણે સોશિયલ મીડિયા પર પોતાની માતાની એક તસવીર શેર કરીને આ વાતની જાણકારી આપી છે. તમને જણાવી દઈએ કે, છેલ્લા થોડાં સમયથી તેમની માતા બીમાર હતી, જેના કારણે તેમનું નિધન થયું છે.

  • બોલિવૂડ સિંગર એઆર રહેમાનની માતા કરીમા બેગમનું થયું નિધન
  • રહેમાને સોશિયલ મીડિયા પર તસવીર શેર કરીને આપી જાણકારી
  • રહેમાન 9 વર્ષના હતા ત્યારે તેમના પિતાનું નિધન થયું હતું

માએ લીધો હતો સિંગર બનવાનો નિર્ણય

એઆર રહેમાને તેમની માતાની તસવીર પોસ્ટ કરતા જ તેમના ફેન્સે કમેન્ટ કરીને તેમની માતાને શ્રદ્ધાજંલિ આપવાનું શરૂ કરી દીધું. રહેમાન પોતાની માતાની ખૂબ જ નજીક હતા. એક ઈન્ટરવ્યૂમાં રહેમાને જણાવ્યું હતું કે, તેની માતાએ આ નિર્ણય લીધો હતો કે તેઓ મ્યુઝિકમાં પોતાનું કરિયર બનાવશે. તેમની પાસે સંગીતની કળા છે. આધ્યાત્મિક રીતે વિચારવામાં અને નિર્ણય લેવામાં તે મારાથી ઘણો સારા છે. જે રીતે તેમણે મારા માટે મ્યુઝિકમાં કરિયર સિલેક્ટ કરવાનો નિર્ણય લીધો. મ્યુઝિક માટે તેમણે 11મા ધોરણમાં મારી સ્કૂલ છોડાવી દીધી હતી. આ તેમને નિશ્ચય હતો, જેના કારણે આજે હું અહીં છું. 

ફિલ્મો જેવો અમારો સંબંધ નથી

એઆર રહેમાને પોતાની મા વિશે વાત કરતા કહ્યું હતું કે, તેમનો સંબંધ ફિલ્મો જેવો નહોતો. જ્યાં મા દિકરો અનેક વખત એકબીજાને ગળે લાગે છે. પરંતુ બંનેના મનમાં એકબીજા માટે બહુ જ સન્માન છે. રહેમાનનો ઉછેર તેની માતાએ જ કર્યો હતો, કારણ કે તેમના પિતાનું નિધન તેઓ 9 વર્ષના હતા ત્યારે જ થયું હતું. 

singer ar rahman Mother passes away
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ