ક્રિકેટ / દે દનાદન સેન્ચુરી પર સેન્ચુરી... ટીમ ઈન્ડિયાને મળી ગયો નવો સચિન! ભારત માટે રન મશીન

• શું ભારતીય ટીમને મળી ગયો બીજો તેંડુલકર?
• ચાર ઈનિંગમાં ત્રણ સદી
• શુભમન ગિલે પોતાની વન-ડે કારકિર્દીમાં ત્રીજી સદી ફટકારી

શુભમન ગિલે વન-ડે કારકિર્દીમાં ત્રીજી સદી ફટકારી

ભારતીય ટીમની નવી રન મશીન શુભમન ગિલે પોતાની નાની વન-ડે કારકિર્દીમાં ત્રીજી સદી ફટકારી છે. ન્યુઝીલેન્ડ સામે હોલકર સ્ટેડિયમમાં શુભમન ગિલે 72 બોલમાં સદી પૂરી કરી, પરંતુ મોટો શૉટ રમવાના ચક્કરમાં 28મી ઓવરમાં તેઓ આઉટ થયા અને 78 બોલમાં 112 રન બનાવી આઉટ થયા. શુભમનની પાસે આજે પણ બેવડી સદી બનાવવાની તક હતી, પરંતુ ઉતાવળ ભારે પડી ગઇ. 

સચિનની ઝલક દેખાઈ 

શુભમનની આ ઈનિંગને જોઇને સચિન તેંડુલકરની યાદ આવી ગઇ. 23 વર્ષના શુભમન આ અંદાજમાં સ્ટ્રેટ ડ્રાઈવ, કવર ડ્રાઈવ અને પંચ લગાવે છે, જેમ સચિન મારતા હતા. આજે ગિલના નામથી બોલર એમ પણ દહેશતમાં આવી જાય છે, જેમકે ક્યારેક સચિનનો જલવો હતો. આ સાથે 2003ના વર્લ્ડ કપમાં સચિને જે રીતે પાકિસ્તાનની સામે અપર કટ લગાવ્યો હતો. શુભમનની આજની ઈનિંગમાં પણ એવો જ કમાલ જોવા મળ્યો. જ્યારે ફર્ગ્યૂસને આઠમી ઓવરના પાંચમા બોલમાં એવો જ છગ્ગો ફટકાર્યો. ખુદ કેપ્ટન રોહિત શર્મા પણ આ શૉટને જોઇને ચોંકી ગયા. 

રોહિત શર્માની ત્રણ વર્ષ બાદ સદી 

ટૉસ ગુમાવીને પ્રથમ બેટીંગ કરીને ભારતે આક્રમક શરૂઆત કરી. રોહિત શર્મા અને શુભમન ગિલ વચ્ચે પહેલી વિકેટ માટે 212 રનની પાર્ટનરશિપ થઇ હતી. રોહિત શર્માએ ત્રણ વર્ષ બાદ આંતરરાષ્ટ્રીય વન-ડેમાં સદી ફટકારી. હિટમેને 19 જાન્યુઆરી 2020 બાદ ત્રણેય પોઈન્ટમાં સ્કોર કર્યો નહોતો. પરંતુ ઈન્દોરમાં આજે તેમણે વન-ડે કારકિર્દીની 30મી સેન્ચુરી ફટકારી. આ સાથે તેઓ રિકી પોન્ટીંગના વન-ડે સદીના રેકોર્ડની બરાબરી કરી ગયા.