શ્રેયા ટીબરવાલે ઓલ ઈન્ડિયામાં 87,63 ટકા સાથે નવા કોર્ષમાં પ્રથમ ક્રમાંક પ્રાપ્ત કર્યો છે.
CA ઈન્ટરમીડિયેટ અને ફાઉન્ડેશન પરિણામો જાહેર
વર્ષ 2020ના નવેમ્બરમાં પરીક્ષા યોજાઈ હતી
શ્રેયા ટીબરવાલે દેશભરમાં પ્રથમ ક્રમાંક મેળવ્યો
ગુજરાતની વધુ એક દિકરી શ્રેયા ટીબરવાલે દેશભરમાં નામ રોશન કર્યું છે. CA ઈન્ટરમીડિયેટ અને ફાઉન્ડેશન માટે વર્ષ 2020ના નવેમ્બરમાં પરીક્ષા યોજાઈ હતી. જેના પરિણામો આજે જાહેર થયા છે. આ પરિણામોમાં અમદાવાદના 6 પરીક્ષાર્થિઓએ દેશભરમાં ગુજરાતનું નામ રોશન કર્યું છે. શ્રેયા ટીબરવાલે ઓલ ઈન્ડિયામાં 87,63 ટકા સાથે નવા કોર્ષમાં પ્રથમ ક્રમાંક પ્રાપ્ત કર્યો છે.
CA જેવા પ્રોફેસનલ અભ્યાસ અને સૌથી ઓછા પરિણામના કોર્ષમાં પણ ગુજરાતના દિકરા-દિકરીઓ મોટી સફળતા પ્રાપ્ત કરે છે. ઓલ ઈન્ડિયા લેવલે શ્રેયા ટીબરવાલની સાથે ચિરાગ આસવાનો સાતમો ક્રમ, પાર્થ બંસલનો 21, વૈષ્ણવી પંચાલનો 30, આસ્થા શાહ 32, વિશ્વા અગ્રવાલે 42મા ક્રમાંક પર સિદ્ધી મેળવી છે.
મહત્વનું છે કે, આ અગાઉ CA ફાઈનલના પરિણામમાં મુદિત અગ્રવાલ દેશમાં બીજા ક્રમે આવ્યો હતો. તેની સાથે સુરતના અન્ય પરીક્ષાર્થીઓ પણ ટોપ-50મા સ્થાન મેળવ્યું હતું. તો અમદાવાદના વિદ્યાર્થીઓએ પણ પોતાની પ્રતિભા દેખાડી હતી. CA ફાઈનલ પરીક્ષાના પરિણામમાં પણ અમદાવાદના ત્રણ વિદ્યાર્થીઓએ ઓલ ઇન્ડિયા ટોપ 50માં સ્થાન મેળવ્યું હતું. ટોપ 50માં કૃતનજી દરજીએ ઓલ ઇન્ડિયા 26મો રેન્ક મેળવ્યો છે. જ્યારે મુઝીબુરરેહમાન મુનીરે ઓલ ઇન્ડિયા 30મો અને પ્રિયલ ચૌધરીએ ઓલ ઇન્ડિયા 34મો રેન્ક મેળવ્યો છે. જે બાદ ગુજરાતના વિદ્યાર્થીઓના નામે આ બીજી મોટી સિદ્ધિ છે.