IPLIN
 

મહારાષ્ટ્ર / સુશાંત કેસ મામલે ડ્રગ્સ કનેક્શનમાં રિયાના ભાઈ શૉવિક અને મિરાંડાની ધરપકડ

Team VTV 09:05 PM, 04 Sep 20 | Updated: 10:26 PM, 04 Sep 20
Follow us
Showik Chakraborty, Samuel Miranda arrested by NCB

નાર્કોટિક્સ કંટ્રોલ બ્યુરો (NCB) ની ટીમે અભિનેતા સુશાંતસિંહ રાજપૂતના આત્મહત્યા કેસમાં ડ્રગના કનેક્શન મામલે અભિનેત્રી રિયા ચક્રવર્તીના ભાઈ શૌવિક અને સેમ્યુઅલ મિરાન્ડાની ધરપકડ કરી છે. 

  • રિયા ચક્રવર્તીના ભાઈ શૌવિક અને સેમ્યુઅલ મિરાન્ડાની ધરપકડ

પ્રાપ્ત થતી જાણકારી પ્રમાણે, શુક્રવારે NCBએ સુશાંતની ગર્લફ્રેન્ડ રિયાના ભાઈ શૌવિક અને દિવંગત અભિનેતાના ઘરના મેનેજર સેમ્યુઅલ મિરાન્ડાના ઘરે દરોડા પાડ્યા હતા. ત્યારબાદ તેની અટકાયત કરીને પૂછપરછ કરવામાં આવી હતી. બીજી તરફ સીબીઆઈએ સુશાંતના મિત્ર અને ડોક્ટરની પણ પૂછપરછ કરી હતી.

ડ્રગ્સ મામલે કરાઇ ધરપકડ

ડ્રગ કેસમાં ઝડપાયેલા રિયા ચક્રવર્તીનો ભાઈ શોવિક ચક્રવર્તી અને સેમ્યુઅલ મિરાન્દાની એનસીબી દ્વારા ધરપકડ કરવામાં આવી છે. શોવિક ચક્રવર્તી અને સેમ્યુઅલ મિરાન્ડાની છેલ્લા ઘણા કલાકોથી NCBની ટીમ દ્વારા પૂછપરછ કરવામાં આવી હતી. 

રિયા ચક્રવર્તીની એનસીબી દ્વારા ફરીથી પૂછપરછ કરાશે 

શોવિકની ધરપકડ બાદ હવે રિયા ચક્રવર્તીની એનસીબી દ્વારા ફરીથી પૂછપરછ કરી શકાય છે. આજે સવારે શોવિકે તેના ઘરે દરોડા પાડવામાં આવ્યાં હતાં અને તે મામલે તેની પુછપરછ કરવામાં આવી હતી.

સુશાંતની બહેને આપ્યું નિવેદન

મહત્વનું છે કે શોવિકના ઘરે જ્યારે દરોડા પાડવામાં આવ્યાં હતાં ત્યારે સુશાંતની બહેને આ વિશે પ્રતિક્રિયા આપી હતી. તેણે લખ્યું હતું કે NCB સારુ કામ કરી રહી છે. 

શૉવિકને EDએ પણ સમન્સ પાઠવ્યું હતું

ઉલ્લેખનીય છે કે આજે રિયાના ભાઈ શૉવિકને EDને પણ પૂછપરછ માટે બોલાવ્યો હતો. પરંતુ શૉવિકને NCBએ અટકાયત કરી હતી જેના કારણે ED સમક્ષ હાજર થઈ શક્યો ન હતો.

Showik Chakraborty સુશાંતસિંહ રાજપૂત NCB Samuel Miranda રિયા ચક્રવર્તી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ