એક કાર રસ્તા પર જઈ રહી છે અને તેની અંદર માતા-પિતા બેઠા છે અને ખુલ્લી ડિક્કીમાં ત્રણ નાના નાના બાળકો બેઠા છે.
હૈદરાબાદમાંથી એક વીડિયો વાયરલ થયો
ખુલ્લી ડિકીમાં ત્રણ બાળકો બેઠા હતા, માતા-પિતા આગળ
રસ્તા પર ફુલ સ્પિડે જઈ રહી હતી કાર, ટ્રાફિક પોલીસે એક્શન લીધી
હૈદરાબાદમાંથી એક વીડિયો સોશિયલ મીડિયા પર ખૂબ વાયરલ થઈ રહ્યો છે. જેમાં એક કાર રસ્તા પર જઈ રહી છે અને તેની અંદર માતા-પિતા બેઠા છે અને ખુલ્લી ડિક્કીમાં ત્રણ નાના નાના બાળકો બેઠા છે. આ વીડિયો એક યુઝર્સે ટ્રાફિક પોલીસને ટેગ કરીને શેર કર્યો છે. જે બાદ સાઈબરાબાદ ટ્રાફિક પોલીસે તુરંત જવાબ આપ્યો છે અને તાત્કાલિક કાર્યવાહી કરવાનું આશ્વાસન પણ આપતા યુઝર્સને આ વીડિયો શેર કરવા બદલ ધન્યવાદ કર્યું હતું.
ટ્વિર યુઝર્સે વીડિયો શેર કરતા લખ્યું હતું કે, વિચારો, હૈદરાબાદમાં એક ખુલ્લી ડિક્કીમાં ત્રણ બાળકો બેઠા છે અને કાર જઈ રહી છે. વીડિયોને ટ્વિટર પર 11,000થી વધારે વખત જોવામાં આવ્યો છે. ટ્રાફિક પોલીસને ટેગ કરીને લખ્યું છે કે, જરાં વિચારો, કેટલા બેજવાબદાર માતા-પિતા હશે ? વિનંતી છે કે, ધ્યાનમાં લેજો અને કાર્યવાહી કરશો.
ક્લિપમાં ત્રણ બાળકો ખુલ્લી ડિકીમાં બેઠા હતા, જ્યારે માતા-પિતા કારની અંદર બેઠા હતા. વીડિયો ઈન્ટરનેટ પર વાયરલ થયા બાદ તુરંત પોલીસે આ મામલે પ્રતિક્રિયા આપી હતી અને યુઝર્સને કાર્યવાહી કરવાની ખાતરી પણ આપી હતી.
એક અન્ય ટ્વિટમાં સાઈબરાબાદ પોલીસે જવાબ આપતા લખ્યુ છે કે, માતા-પિતા વિરુદ્ધ જરુરી કાર્યવાહી થઈ છે. સાઈબરાબાદ ટ્રાફિક પોલીસે ટ્વિટના જવાબમાં લખ્યું છે કે, આપની જાણકારી વેરિફાઈ થઈ છે અને ઈ ચલણ પણ જનરેટ થયું છે. રોડ સેફ્ટીમાં સુધારા માટે સાઈબરાબાદ ટ્રાફિક પોલીસની સાથે સહયોગ કરવા બદલ ધન્યવાદ.