વિધિની વક્રતા / ઓરસંગ નદી કિનારે ચોંકાવનારી ઘટના: પુત્ર ફાટી આંખે જોતો રહી ગયો, વિશાળકાય મગર પિતાને પાણીમાં ખેંચી ગયો

• જોઈ રહ્યો પુત્ર  અને પિતા પાણીમાં ગરક 
• ઓરસંગ નદીમાં મગર તાણી ગયો યુવકને 
• લાપતા યુવકની શોધ-ખોળ યથાવત 

વડોદરા પંથકમાં વહેતી નદીઓના પ્રવાહમાં મગર રહેતા હોવાની ઘટના ઘણી વાર સામે આવી છે. જિલામાં વહેતી નર્મદાના પાણીમાં મગર છે જ.જે ભારે વરસાદ અને પૂર જેવી સ્થિતિમાં વડોદરાના આરે-ઓવારે પણ જોવા મળ્યા છે. ત્યારે ડભોઇ ઓરસંગ ગામડી પાસે  નદીના પાણીમાં નહાવા પડેલા એક 47 વર્ષીય યુવકનો મગરે શિકાર કરી લીધો.વિધિની વકતા તો જુઓ કે,, આ ઘટના ઘટી ત્યારે યુવકનો પુત્ર નદીના કિનારે જ હતો. અને પિતા પલક ઝપકતા જ પાણીમાં ઓઝલ થઈ ગયા..યુવકને મગર ખેંચી ગયાની અરેરાટીભરી ઘટનાની જાણ થતા ચાંદોદ પોલીસ તેમજ ફોરેસ્ટ વિભાગે ઘટના સ્થળે પહોંચી તપાસ હાથ ધરી હતી.

નહાવા પડેલા યુવકના મોમાંથી ચીસ નીકળી અને....

વડોદરા જિલ્લામાં વહેતી નર્મદાના પાણીમાં વિશાળકાય મગરના ડેરા-તંબુ હોવાની વાત સર્વવિદિત છે.નદીના કિનારે જતા લોકો મગરના ભયે પાણીમાં પગ પણ ઝબોળી નથી શકતા.આ વચ્ચે  ડભોઇ પાસે ઓરસંગ નદીમા નહાવા પડેલા એક યુવકનો મગર શિકાર કરી ગયો. મગરની વાતથી અજાણ યુવક પ્રકૃતિના ખોળે નદી સ્નાનનો આનંદ માનવામાં તલ્લીન હતો.અને પુત્ર એ રાહમાં હતો કે, પિતા નાહીને બહાર નીકળે પછી અહીંથી નીકળીએ. અચાનક જ નહાવા પડેલા યુવકના મોમાંથી  ચીસ નિકળતા,કિનારે બેઠેલો પુત્ર હતપ્રભ થઇ ગયો.પાણીમાં અચાનક આવેલા મગરે યુવકને પગના ભાગથી પકડીને માત્ર વમળ છોડી ગયો.

પુત્ર હતપ્રભ -પિતાની શોધ-ખોળ

ઓરસંગ નદીમાં બનેલી આ ઘટના વાયુવેગે ગામમાં પ્રસરી ગઈ.યુવક સ્થાનિક હતો કે બહારનો ? યુવક કોણ હતો ? જેવા પ્રશ્નો ગામમાં ચર્ચાવા લાગ્યાં.અને લોકમુખે એક જ ચર્ચા રહી કે,મગર શિકાર કરી ગયો. ઘટનાની જાણ વડોદરા ફાયર બ્રિગેડને કરવામાં આવતા,ફાયરના જવાનો પણ દોડી આવ્યા અને નદીમાં યુવકની શોધ-ખોળ આદરી છે.

ચોમાસાએ ભલે વિધિવત વિદાય નથી લીધી પરંતુ દક્ષિણ-મધ્ય ગુજરાતમાં ભારે વરસાદની આગાહી છે જ આવા સંજોગોમાં  નદી આસપાસના વિસ્તારોમાં ,ખાસ કરીને પાણીથી દૂર રહેવું આવી સ્થિતિમાં હિતાવહ છે.