હળાહળ કળયુગ / સુરતની હચમચાવી દેનારી ઘટનાઃ 70 વર્ષીય વૃદ્ધા સાથે કોસંબા રેલવે સ્ટેશન પાસે દુષ્કર્મ, મહિલાને ગંભીર ઇજા પહોંચાડતા મોત

• સુરતના કોસંબા રેલવે સ્ટે.પાસેની ઘટના
• 70 વર્ષીય વૃદ્ધા સાથે દુષ્કર્મની ઘટના
• PM રિપોર્ટ બાદ મહિલા સાથે દુષ્કર્મ થયા હોવાનુ આવ્યુ બાહર

હળાહળ કળયુગની શાક્ષી પુરતો એક કિસ્સો સુરતમાં સામે આવ્યો છે. સુરતના કોસંબા રેલવે પોલીસ મથક નજીક 70 વર્ષીય વૃદ્ધા સાથે દુષ્કર્મની ઘટના સામે આવતા સનસનાટી મચી ગઇ છે. સમાજ માટે લાલબત્તી સમાન આ ચકચારી ઘટનામાં દુષ્કર્મમાં વૃદ્ધાને ગંભીર ઇજા પહોંચતા તેણીને તાત્કાલિક સારવાર અર્થે ખસેડવામાં આવ્યા હતા. જ્યાં પીએમ રિપોર્ટમાં  દુષ્કર્મ થયુ હોવાનુ બહાર આવતા ખળભળાટ મચી ગયો હતો.

પોલીસની પુછપરછમા યુવકે ગુનો કબૂલ્યો
સુરતના કોસંબા રેલવે પોલીસની હદ વિસ્તારમાં આ વૃદ્ધ મહિલા પર દુષ્કર્મ આચર્યાનું હોવાની શરમજનક ઘટના સામે આવી હતી. હવસખોર આરોપીએ દુષ્કર્મ કરી મહિલાને ગંભીર ઇજા પહોંચડી  હતી. આથી તેંને સારવાર માટે હોસ્પિટલ ખાતે ખસેડવામાં આવ્યા હતા જયા મેડિકલ ઓફિસરને શંકા જતા તેમણે ઘટનાની ગંભીરતાને ધ્યાને લઇને સ્થાનિક પોલીસને જાણ કરી હતી. આ દરમિયાન ઇજાગસ્ત મહિલાનુ સારવાર દરમિયાન મોત થયુ હતું. જેથી PM રિપોર્ટ કરવામાં આવ્યા હતા જેમાં મહિલા સાથે દુષ્કર્મ થયું હોવાનું બહાર આવતા તબીબો ચોંકી ઉઠયા હતા.

પોલીસે વધુ તપાસ હાથધરી
ત્યારબાદ પોલીસે તપાસનો ધમધમાટ હાથ ધરીને પોલીસે શંકાસ્પદ શખ્સની  અટકાયત કરી લીધી હતી. જે આરોપીને પોલીસે આગવી ઢબે પૂછપરછ કરતા આરોપીએ ગુન્હો કબૂલ્યો હતો. જેને લઈને સમગ્ર ઘટના બે ત્રણ દિવસ પહેલાની હોવાનુ ખૂલ્યું છે. આથી પોલીસે આ કૃત્ય આચરનાર આરોપી વિરુદ્ધ ગુન્હો નોંધી વધુ તપાસ હાથ ધરી છે.