- સાનિયા મિર્ઝા અને શોએબ મલિકને ચર્ચા
- પાકિસ્તાની મીડિયાનો બન્ને અલગ થઇ શકે છે
- સાનિયાની તાજેતરની પોસ્ટથી વાતને મળ્યો વેગ
ભારતીય ટેનિસ સ્ટાર સાનિયા મિર્ઝા અને પાકિસ્તાની ક્રિકેટર શોએબ મલિકને લઈને પાકિસ્તાની મીડિયામાં ઘણી અટકળો ચાલી રહી છે. એવો દાવો કરવામાં આવી રહ્યો છે કે સાનિયા મિર્ઝા અને શોએબ મલિક ટૂંક સમયમાં અલગ થવાના છે. સાનિયા મિર્ઝાની તાજેતરની ઇન્સ્ટાગ્રામ પોસ્ટે આ અટકળોને વેગ આપ્યો છે. શુક્રવારે સાનિયા મિર્ઝાએ પુત્ર ઇઝાન સાથેનો એક સુંદર ફોટો શેર કર્યો અને લખ્યું, 'એ ક્ષણો જે મને સૌથી મુશ્કેલ દિવસોમાંથી પસાર કરે છે.'
બન્નેમાંથી કોઈએ આ વાતની પ્રતિક્રિયા નથી આપી
પાકિસ્તાનના કેટલાક મીડિયા રિપોર્ટ્સમાં એવો પણ દાવો કરવામાં આવ્યો છે કે શોએબે તેના એક ટીવી શો દરમિયાન સાનિયા સાથે કથિત રીતે છેતરપિંડી કરી હતી. જો કે આ સમાચાર પર બંનેએ હજુ સુધી કોઈ પ્રતિક્રિયા આપી નથી. શોએબ મલિક અને સાનિયાએ 12 એપ્રિલ 2010 ના રોજ હૈદરાબાદમાં એક પરંપરાગત સમારોહમાં લગ્ન કર્યા. લગ્નના દસ વર્ષ પછી તેમના પુત્ર ઇઝાનનો જન્મ થયો.
મીડીયાએ કરી અટકળો
સાનિયા મિર્ઝા અને શોએબ મલિકે તાજેતરમાં જ તેમના પુત્ર ઈઝાન મિર્ઝા મલાઈકાનો જન્મદિવસ સાથે ઉજવ્યો હતો. શોએબ મલિકે તેનો ફોટો સોશિયલ મીડિયા પર પોસ્ટ કર્યો હતો પરંતુ સાનિયાએ તેના સોશિયલ મીડિયા એકાઉન્ટ પર જન્મદિવસની પાર્ટીની તસવીરો પોસ્ટ કરી ન હતી. બંને વચ્ચેના સંબંધોને લઈને પણ અટકળો ચાલી રહી છે.
એક શોમાં સોએબે આપ્યો જવાબ
હાલમાં જ પાકિસ્તાની ક્રિકેટ શો 'આસ્ક ધ પેવેલિયન'માં શોએબ મલિકને સાનિયા મિર્ઝાની ટેનિસ એકેડમી અને તેના સ્થાન વિશે પૂછવામાં આવ્યું હતું. આના પર ક્રિકેટરે જવાબ આપ્યો, 'મારી પાસે ખરેખર લોકેશન વિશે યોગ્ય માહિતી નથી. હું ક્યારેય એકેડમીમાં ગયો નથી. શોએબના જવાબથી વકાર યુનિસ આશ્ચર્યચકિત થઈ ગયો.
બન્ને જીવનની વાતો શેર કરવામાં અચકાતા નથી
સાનિયા મિર્ઝા અને પાકિસ્તાની ક્રિકેટર શોએબ મલિક તેમના અંગત જીવન સાથે જોડાયેલી વાતો શેર કરવામાં શરમાતા નથી. વર્ષ 2018માં સાનિયા અને શોએબ એક બાળકના માતા-પિતા બન્યા હતા. પુત્ર ઇઝાનને જન્મ આપ્યાના થોડા મહિનાઓ બાદ સાનિયા મિર્ઝાએ પોતાની પ્રેગ્નન્સી સાથે જોડાયેલી બાબતો વિશે માહિતી શેર કરી હતી.
