શેહનાઝ ગિલ પોતાની સ્ટાઇલ અને લુકને કારણે ઘણી ફેમસ છે. ત્યારે સોશિયલ મીડિયા પર એક વીડિયો સામે આવ્યો છે, જેમાં તે જાણિતા સિંગર ટોની કક્કર સાથે રોમેંટિક ડાન્સ કરતી જોવા મળી રહી છે.
ટોની કક્કર સાથે રોમેંટિક ડાન્સ કરતો વિડીયો કર્યો શેર
ઘણા સમય બાદ સોશિયલ મીડિયા પર કરી પોસ્ટ
શેહનાઝની ફિલ્મ 'હૌસલા રાખ' 15 ઓક્ટોબરે થશે રિલીઝ
શેહનાઝ ગિલ પોતાની સ્ટાઇલ અને લુકને કારણે ચાહકોમાં ખૂબ પ્રખ્યાત છે. ચાહકો તેની ક્યૂટનેસ અને બોલવા અંદાઝને ખૂબ પસંદ કરે છે. શેહનાઝ ગિલ બિગ બોસ 13માં જોવા મળી હતી. ત્યારબાદ તેની પોપ્યુલેરિટી જબરદસ્ત રીતે વધી ગઈ છે. આજે સોશિયલ મીડિયા પર તેમના કરોડો ફેન્સ છે, તેઓ તેમની પોસ્ટની આતુરતાથી રાહ જોતા હોય છે.
વીડિયોમાં શેહનાઝ અને ટોની કરી રહ્યા છે રોમેન્ટિક ડાન્સ
શેહનાઝ ગિલનો આ વીડિયો ફેન પેજ પર શેર કરવામાં આવ્યો છે. આ વીડિયોમાં જોઈ શકાય છે કે શેહનાઝ અને ટોની રોમેન્ટિક ડાન્સ કરી રહ્યા છે. વીડિયોમાં બંને ખૂબ જ સુંદર લાગી રહ્યા છે. વીડિયોના બેકગ્રાઉન્ડમાં બાદશાહનું ગીત 'બેડ ગર્લ' સાંભળવા મળી રહ્યું છે. તેથી શહનાઝના ફેન્સ આ વીડિયોને ખૂબ પસંદ કરી રહ્યા છે.
ઘણા સમય બાદ સોશિયલ મીડિયા પર કરી પોસ્ટ
સૂત્રો અનુસાર જણાવવામાં આવી રહ્યું છે કે સિદ્ધાર્થ શુક્લાના મૃત્યુ પછી, શેહનાઝ સોશિયલ મીડિયાથી દૂર થઈ ગઈ છે. તેથી ફેન્સ તેને ખૂબ જ મિસ કરી રહ્યા છે.
શેહનાઝની ફિલ્મ 'હૌસલા રાખ' 15 ઓક્ટોબરે થશે રિલીઝ
તાજેતરમાં જ તેની ફિલ્મ 'હૌસલા રાખ'નું ટ્રેલર પણ રિલીઝ થયું હતું. જેના પર ચાહકોએ ખૂબ સારી કમેન્ટ્સ કરી છે અને હવે ફેન્સ આ ફિલ્મના રિલીઝને લઈ ખૂબ ઉત્સાહિત છે. આ ફિલ્મ 15 ઓક્ટોબરે રિલીઝ થશે.