બિઝનેસ / FB- ટ્વિટર બાદ હવે ભારતીય ટેક કંપનીએ પણ કરી છટણી, આટલા કર્મચારીઓને બતાવ્યો ઘરનો રસ્તો.!

• FB- ટ્વિટર બાદ હવે ShareChat એ પણ કરી છટણી
• ફેન્ટસી પ્લેટફોર્મ Jeet11 ને પણ કર્યું  બંધ 
• 100 જેટલા કર્મચારીઓ પર પડશે અસર

વિશ્વભરમાં ચાલતી મંદીની લહેરે તો જાણે મોટી કંપનીઓમાં કર્મચારીઓની છટણી કરવાનો મોકો આપ્યો હોય તેવું લાગી રહ્યું છે. એમેઝોન, ફેસબુક-મેટા, ટ્વિટરથી લઇને હવે શેરચેટ જેવું મોટું બેનર પણ કર્મચારીઓને નિકાળી રહ્યું છે. ભારતીય સોશિયલ મીડિયાની એપ ShareChat એ પોતાના ઘણાં એમ્પ્લોઇઝની છટણી કરી છે. એટલું જ નહીં પોતાના ફેન્ટસી પ્લેટફોર્મ Jeet11ને પણ બંધ કરેલ છે.

Just In: #ShareChat lays off 5% of employees, shuts fantasy gaming vertical Jeet11

— Anadi (@anadilochanroy) December 2, 2022

જાણો ShareChat વિશે
શેરચેટને મહોલ્લા ટેક પ્રાઇવેટ લિમિટેડ ઑપરેટ કરે છે. આ કંપનીને ફંડીગ કરવાવાળી કંપનીઓમાં  Google, Twitter, Snap અને tiger Global જેવી કંપનીઓ સમાવિષ્ટ છે.

આટલા કર્મચારીઓ પર પડશે અસર
શેરચેટની તરફથી કર્મચારીઓની છટણી એવા સમયે કરવામાં આવી છે જ્યારે દુનિયાભરમાં ટેક કંપનીઓ પોતાના બીઝનેસને રી-સ્ટ્રકચર કરી રહી છે. સૂત્રો અનુસાર શેરચેટનાં કર્મચારીઓની સંખ્યા 2300 જેટલી છે અને આ છટણીની અસર આશરે 100 જેટલા કર્મચારીઓને થઇ શકે છે.

કંપનીએ કહ્યું કે આ છે રેગ્યુલર પ્રોસેસ
કંપનીનાં પ્રવક્તાએ છટણી અંગે સ્પષ્ટતા કરતાં જણાવ્યું કે અમે સમયાંતરે પોતાની બિઝનેસ સ્ટ્રેટજીઝની સમીક્ષા કરતાં રહીએ છીએ. કંપનીએ Jeet11 પ્લેટફોર્મ પણ બંધ કરી દીધેલ છે સાથે જે એપમાં કેટલાક ફંક્શન પણ બંધ કર્યાં છે.  અને તેથી જ નવા કર્મચારીઓની ભરતી કરવા માટે કેટલાક કર્મચારીઓને કંપનીથી બહાર કરવામાં આવી રહ્યું છે. કંપનીએ કહ્યું કે રેગ્યુલર એક્ટિવીટી અંતર્ગત આ નિર્ણય લેવામાં આવ્યો છે. આ કંપનીનાં 5 ટકાથી પણ વધુ કર્મચારીઓને અસર કરશે