સપ્તાહના ત્રીજા દિવસે એટલે કે બુધવારના રોજ શેર બજાર રેડ ઝોનમાં ખુલેલું જોવા મળ્યું છે. બોમ્બે સ્ટોક એક્સચેંજનો પ્રમુખ ઇન્ડેક્સ સેંસેક્સ 385.17 અંક એટલે કે 0.96 ટકાના ઘટાડા સાથે 39,896.03 ના સ્તર પર ખુલ્યો. જ્યારે નેશનલ સ્ટોક એક્સચેંજનો નિફ્ટી 84.55 પોઇંટ એટલે કે 0.72 ટકાના ઘટાડા સાથે 11,713.35 સ્તર પર ખુલ્યો.
બુધવારે શેર બજાર રેડ ઝોનમાં ખુલ્યું
સેન્સેક્સ 40,000ની નીચે ખૂલ્યો
ડોલરની સરખામણીએ રૂપિયો 71.75ના સ્તર પર ખૂલ્યો
આવા રહ્યાં દિગ્ગજ સ્ટોકના હાલ
દિગ્ગજ શેરની વાત કરીએ તો, આજે બીપીસીએલ, નેસ્લે ઇંડિયા, ડોકટર રેડ્ડી અને હિંદુસ્તાન યૂનીલિવર ગ્રીન ઝોનમાં ખુલ્યા છે. જ્યારે JSW સ્ટીલ, ટાટા મોટર્સ, સિપ્લા, ટાટા સ્ટીલ, ઇંફ્રાટેલ, એચડીએફસી, વેદાંતા લિમિટેડ, ઇંડસઇંડ બેંક અને મારૂતિ રેડ ઝોનમાં ખુલ્યાં.
સેકટોરિયલ ઇંડેક્સ પર નજર
સેક્ટોરિયલ ઇંડેક્સ પર નજર નાંખો તો આજે બધા સેકટર્સ લાલ નિશાના પર ખુલ્યાં છે. જેમાં આઇટી, ફાર્મા, પ્રાઇવેટ બેંક, ઓટો, રિયલ્ટી, મીડિયા, એફએમસીજી, મેટલ અને પીએસયૂ બેંક સામેલ છે.
ડોલરની સરખામણીએ 71.75 ના સ્તર પર ખૂલ્યો રૂપિયો
ડોલરની સરખામણીએ આજે રૂપિયામાં 13 પૈસાની મજબૂતી બાદ 71.75 ના સ્તર પર ખૂલ્યો છે. છેલ્લા કારોબારમાં ડોલરની સરખામણીએ રૂપિયો 71.88 ના સ્તર પર બંધ થયો હતો.
મંગળવાર રેડ ઝોન પર બંધ થયું હતું માર્કેટ
મંગળવારે દિવસભરના કારોબાર બાદ શેર બજાર રેડ ઝોન પર બંધ થયું હતું. સેંસેક્સ 82.03 પોઇન્ટ એટલે કે 0.20 ટકાના ઘટાડા બાદ 40,281.20 ના સ્તર પર બંધ થયો હતો. જ્યારે નિફ્ટી 16.20 પોઇન્ટ 0.14 ટકા ના ઘટાડા સાથે 11,813.20 ના સ્તર પર બંધ થયો હતો.