ગુડ ન્યુઝ / ચૈત્ર નવરાત્રીના પ્રથમ નોરતાએ LoC પાસે સ્થાપિત થશે માં શારદાની મૂર્તિ, અમિત શાહ કરી શકે છે વર્ચ્યુઅલ સંબોધન

• નવરાત્રી પર આવ્યા સારા સમાચાર
• શારદા માની મૂર્તિ LoC પાસે સ્થાપિત થશે
• આ  5000 વર્ષથી વધુ જૂનું છે

પવિત્ર ચૈત્ર નવરાત્રીના અવસર પર આજે જમ્મુ અને કાશ્મીરના કુપવાડા જિલ્લામાં નિયંત્રણ રેખા (LOC) પાસે દેવી શારદાની મૂર્તિ સ્થાપિત કરવામાં આવશે. કેન્દ્રીય ગૃહ પ્રધાન અમિત શાહ આ કાર્યક્રમને વર્ચ્યુઅલ રીતે સંબોધશે તેવી અપેક્ષા છે. કુપવાડાના ટીટવાલ વિસ્તારમાં 76 વર્ષ બાદ દેવી માટે મંદિરનું નિર્માણ કરવામાં આવ્યું છે અને દેવીની મૂર્તિ કર્ણાટકના શિંગેરી મઠથી લાવવામાં આવી છે. કાશ્મીરી હિંદુ નવા વર્ષના પ્રથમ દિવસે નવરેહ પર મૂર્તિની સ્થાપના થઈ રહી છે. મંદિરને 75 વર્ષ પૂર્ણ થયા છે.

Delhi | On today's auspicious day, the temple of Mata Sharda has been opened for devotees. Today I am not there but whenever I come to Jammu, my visit will start after offering prayers in this temple: Union HM Amit Shah at the inauguration of Maa Sharda Temple in Kupwara via… pic.twitter.com/5NYb6ujqF8

— ANI (@ANI) March 22, 2023

કાશ્મીરી પંડિતો માટે આ મંદિર આસ્થાનું પ્રતિક 

આ 5000 વર્ષથી વધુ જૂનું મંદિર છે. દેશના ભાગલા પહેલા ટીટવાલ દેવી શારદાના મંદિરનો ઐતિહાસિક આધાર શિબિર હતો. 1947માં આદિવાસી ધાડપાડુઓએ કૃષ્ણગંગા નદીના કિનારે સ્થિત મૂળ મંદિર અને તેની બાજુમાં આવેલ ગુરુદ્વારાનો નાશ કર્યો હતો. વિભાજન પછી પાકિસ્તાની આદિવાસીઓના હુમલા બાદ આ મંદિરને સંપૂર્ણ નુકસાન થયું હતું. હવે 75 વર્ષ બાદ આ મંદિર પૂર્ણ થયું છે. ચૈત્ર નવરાત્રીના પ્રથમ દિવસે ભક્તો માટે ખોલવામાં આવશે. નેવુંના દાયકામાં જે કાશ્મીરી પંડિતો પર અત્યાચાર થઈને જમ્મુ-કાશ્મીરમાંથી ભાગી જવા મજબૂર થયા હતા. એ જ કાશ્મીરી પંડિતો માટે આ મંદિર આસ્થાનું પ્રતિક છે.

મુસ્લિમોએ જમીન આપી, મંદિર પણ બનાવ્યું

ટેટવાલ ખાતે દેવીની મૂર્તિની સ્થાપના અને મંદિરના નિર્માણને સ્થાનિક મુસ્લિમોએ વ્યાપક આવકાર આપ્યો છે. તેઓ માને છે કે આ પ્રદેશને તેની ખોવાયેલી ગરિમા અને પવિત્ર યાત્રાધામ તરીકે માન્યતા આપશે. આ મંદિર સ્થાનિક સ્થાનિક મુસ્લિમો દ્વારા બનાવવામાં આવ્યું છે અને તૈયાર કરવામાં આવ્યું છે. મંદિર નિર્માણ સમિતિમાં 3 સ્થાનિક મુસ્લિમ એજાઝ ખાન, નિવૃત્ત કેપ્ટન ઇલ્યાસ, ઇફ્તિખાર, એક શીખ જોગીન્દર સિંહ અને પાંચ કાશ્મીરી પંડિત છે. આ હિંદુ મંદિરની જમીન ભાગલા પહેલાના રેકોર્ડમાં નોંધાયેલી હોવાથી મુસ્લિમોએ આ જમીન મંદિર માટે આપી દીધી હતી. મંદિરના કામમાં લગભગ દોઢ કરોડ રૂપિયાનો ખર્ચ કરવામાં આવ્યો છે.

આ સમારોહમાં કર્ણાટકના શિંગેરી મઠના 100 પૂજારી ભાગ લેશે

શારદા પીઠ એક પ્રાચીન શિક્ષણનું કેન્દ્ર હતું. જ્યાં માત્ર ભારતમાંથી જ નહીં પરંતુ મધ્ય એશિયામાંથી પણ વિદ્વાનો આવ્યા હતા. 6ઠ્ઠી અને 12મી સદીની વચ્ચે શારદા પીઠ ઉપખંડની સૌથી પ્રખ્યાત મંદિર યુનિવર્સિટીઓમાંની એક હતી. કર્ણાટકના શિંગેરી મઠના લગભગ 100 પૂજારીઓ સેંકડો ભક્તો અને વિદ્વાનોમાં સામેલ છે જેઓ બુધવારે ઐતિહાસિક ધાર્મિક સમારોહનો ભાગ બનવા માટે ટીટવાલ ખાતે ભેગા થયા હતા.