જ્યોતિષ / ફરી એકવાર શનિદેવ દેખાડશે ચમત્કાર ! આ રાશિના જાતકોને શનિની ઢૈયામાંથી મળશે મુક્તિ

• ગ્રહોના ન્યાયાધીશ કરશે રાશિ પરિવર્તન 
• બે રાશિના જાતકોના સુખના દિવસો શરૂ
• જીવમાં ખુશીઓ અને સુખની થશે પ્રાપ્તિ 

ગ્રહોના ન્યાયાધીશ અને ન્યાયના દેવતા એવા શનિદેવ ફરી એકવાર પોતાની રાશિ બદલવા જઇ રહ્યા છે. શનિ વર્તમાન સમયમાં કુંભ રાશિમાં બિરાજમાન છે, કુંભ રાશિમાં જ રહીને 5 જૂને શનિ વક્રી થયા હતા. ત્યારે વક્રી અવસ્થામાં જ તેઓ મકર રાશિમાં પ્રવેશ કરશે. શનિની આ સ્થિતિ ઘણી રાશિના લોકોના જીવનમાં શુભ અસર કરી શકે છે. શનિ મકર રાશિમાં પ્રવેશતાની સાથે જ બે રાશિના લોકોને થોડા સમય માટે શનિ ઢૈયાથી મુક્તિ મળશે.

આ બે રાશિના જાતકોને શનિદેવની કૃપા મળશે 

શનિદેવ કુંભ રાશિમાં બિરાજમાન છે. કર્ક અને વૃશ્ચિક રાશિના લોકોને શનિની ઢૈયા ચાલી રહી છે. આ રાશિના લોકો 29 એપ્રિલથી શનિની મહાદશાની ચપેટમાં આવી ગયા છે. શનિના રાશિ પરિવર્તનની સાથે જ મિથુન અને તુલા રાશિના જાતકોની શનિની ઢૈયા પૂર્ણ થઇ ગઇ હતી. પરંતુ શનિનો મકર રાશિમાં પ્રવેશ થતાં જ મિથુન અને તુલા રાશિના લોકો પર શનિની ઢૈયા શરૂ થઈ જશે. તેની સાથે જ કર્ક અને વૃશ્ચિક રાશિના લોકોને શનિની ઢૈયાથી રાહત મળશે.

આ જાતકોના દુઃખો થશે દૂર 

12 જુલાઇએ શનિએ રાશિ બદલતાની સાથે જ  કર્ક અને વૃશ્ચિક રાશિના જાતકોની પરેશાનીઓનો અંત આવશે.  તેમને કામમાં સફળતા મળી શકે છે. નોકરી શોધનારાઓને નવી તકો મળી શકે છે. લાંબા સમયથી અટવાયેલા પૈસા પાછા મળી શકે છે. પ્રમોશન અને પ્રગતિની તકો મળશે. શારીરિક અને માનસિક તણાવ ઓછો રહેશે. આ દરમિયાન તમે જે પણ કામ કરશો તેમાં તમને સફળતા મળશે.