બેઈજિંગમાં રમાનાર વિન્ટર ઓલિમ્પિક પહેલા ચીની સત્તાવાળાઓએ કોરોના ટેસ્ટ માટે ખેલાડીઓના પ્રાઈવેટ પાર્ટના સેમ્પલ લેવાનું શરુ કર્યું છે.
ચીનની શરમજનક હરકત
કોરોના ટેસ્ટ કરવા ખેલાડીઓના પ્રાઈવેટ પાર્ટના લીધા સેમ્પલ
ચીનમાં ૪ ફેબ્રુઆરીથી વિન્ટર ઓલિમ્પિક શરુ થશે
આ ઘટનાને કારણે ભારે હોબાળો
આગામી બે અઠવાડિયાની અંદર ચીનમાં યોજનાર વિન્ટર ઓલિમ્પિક પહેલાએક શરમજનક ખબર સામે આવી છે. વિન્ટર ઓલિમ્પિકમાં ભાગ લેનાર ખેલાડીઓના પ્રાઈવેટ પાર્ટના સેમ્પલ કરીને કોરોના ટેસ્ટ કરવામાં આવતા ભારે હોબાળો મચ્યો છે. આંતરરાષ્ટ્રીય સ્તરે ચીનના આ કૃત્યને વખોડી કાઢવામાં આવ્યું છે અને આને કારણે ચીનને ભારે નામોશી વેઠવાનો વારો આવ્યો છે. ગયા વર્ષે પણ ચીન દ્વારા એનલ સ્વેબ ટેસ્ટ કરાવવામાં આવ્યો હતો. હવે ઓલિમ્પિકમા ભાગ લેનાર ખેલાડીઓને આ વિવાદીત ટેસ્ટમાંથી પસાર કરવામાં આવી રહ્યાં છે. આ ટેસ્ટ ઘણો વિવાદીત છે પરંતુ ચીનના જણાવ્યા પ્રમાણે કોરોનાને ડિટેક્ટ કરવાનો સૌથી સુરક્ષિત અને સાચો પ્રકાર છે.
ચીને આવી રીતે કર્યો એનલ ટેસ્ટ
કોરોનાનો એનલ ટેસ્ટ ઘણો વિવાદીત છે તેમાં સંક્રમિત વ્યક્તિના પ્રાઈવેટ પાર્ટની અંદર 5 સેન્ટિમિટર સુધી ટેસ્ટિંગ કીટ ફેરવવામાં આવે છે ત્યાર બાદ તેને ઘુમાવી દેવાય છે. તપાસ પહેલા સ્વેબ કિટને તોડી નાખવામાં આવે છે. આ પહેલા પણ ચીન આવા ટેસ્ટ કરતું રહ્યું છે. જોકે તે વખતે ખૂબ મોટો વિવાદ થતા તેને રોકી દેવાયો હતો. પરંતુ હવે વિન્ટર ઓલિમ્પિક પહેલા ચીને ફરી વાર આવો ટેસ્ટ કરવાનું શરુ કર્યું છે.
ચીનમાં ૪ ફેબ્રુઆરીથી વિન્ટર ઓલિમ્પિક
ચીનમાં ૪ ફેબ્રુઆરીથી વિન્ટર ઓલિમ્પિક શરુ થઈ રહી છે ત્યારે ત્યાં કોરોના ન ફેલાય તે માટે ચીન કોઈ કસર રહેવા દેવા માગતું નથી તેથી તેણે ખેલાડીઓના પ્રાઈવેટ પાર્ટના સેમ્પલ દ્વારા પણ ટેસ્ટ કરવા લાગ્યું છે. ચીનમાં હાલમાં કોરોનાના કેસ પણ વધી રહ્યાં છે. ચીને આ રમતોને સુરક્ષિત બનાવવા માટે બેઇજિંગમાં લોકડાઉન લાદ્યું છે. લોકો રાશન પણ મેળવી શક્યા નથી. આવી પરિસ્થિતિમાં ચીન દ્વારા કરવામાં આવેલા પરીક્ષણના અહેવાલોએ તેને ફરીથી બદનામ કર્યો છે.