પ્રેમલીલા / શું થવા માંડી છે? અમદાવાદમાં લૉકડાઉનમાં સાસરે આવેલા બનેવી-જમાઇના ચોંકાવનારા કિસ્સા

• ચાંદખેડામાં બનેવીને સાળી સાથે થયો પ્રેમ અને ભગાડી ગયો
• રાણીપમાં લગ્ન પહેલા સાસરે ગયેલો જમાઇ થનાર પત્નીની બહેનને ભગાડી ગયો
• રાણીપ અને ચાંદખેડામા નોંધાઈ ફરિયાદ

સમાજને શર્મશાર કરતો વધુ એક કિસ્સો સામે આવ્યો છે. જેમાં બહેન જ બહેનની શૌતન બની છે. કારણ કે બનેવીએ સાળીને પ્રેમજાળમાં ફસાવીને ભગાડી ગયો છે. આંખોમા આસુ સાથે રડી રહેલી આ માના દિકરીના ભવિષ્યના સપના પર પાણી ફેરવાઈ ગયું છે.

લૉકડાઉન દરમિયાન બનેવીને સાળી સાથે થયો પ્રેમ અને બન્ને ભાગી ગયા

ચાંદખેડા વિસ્તારમાં બની છે, જ્યાં એક વર્ષના લગ્નજીવનમાં બનેવીને સાળી સાથે પ્રેમ થયો અને ભગાડીને લઈ ગયો. ધોરણ 8માં અભ્યાસ કરતી 14 વર્ષની સગીર દીકરીને તેનો જ બનેવી રાજકુમાર સોની ભગાડીને લઈ ગયો હતો. ચાંદખેડામાં મૂળ યુપીમા રહેતા આ પરિવારની એક દિકરીના લગ્ન યુપીમાં થયા હતા. જ્યારે તેમનો જમાઈ રોજગારી માટે તેમના ઘરે આવ્યો હતો. કોરોનાના લૉકડાઉન દરમ્યાન બનેવી અને સાળી વચ્ચે આંખ મળી હતી. જેનો ફાયદો ઉઠાવીને બનેવી સાળીને ભગાડી ગયો. જમાઈના આ કરતુતથી આ પરિવાર ન્યાયની ગુહાર લગાવી રહ્યો છે. આરોપીને સજા થાય અને દિકરી સલામત ઘરે આવે તેવી માંગ કરી રહ્યો છે.

લૉકડાઉનમાં જમવાની તકલીફ પડતા સાસરે રહેવા આવેલા જમાઇને નાની બહેન પસંદ આવી જતા ભગાડી ગયો

જ્યારે રાણીપ વિસ્તારમાં તો મોટી દિકરીની સગાઈ થઈ હતી. તેના લગ્નની તૈયારીઓ પરિવાર કરી રહ્યો હતો. લૉકડાઉનના કારણે કોલેજ બંધ થઈ જતા જમાઈ રોહિત ઠાકોર જમવાની તકલીફ પડતા અમદાવાદ સાસરે રહેવા આવ્યો હતો. જમાઈને નાની બહેન પસંદ આવી જતા તેને ભગાડીને લઈ ગયો છે. ઘટનાની જાણ થતા પોલીસે સગીર દીકરીને શોધીને પરિવારને સોંપી છે. રાણીપ પોલીસે દુષ્કર્મને લઈને બનેવી વિરૂધ્ધ ગુનો નોંધી આરોપીની શોધખોળ શરૂ કરી છે.

આ ઘટના બાદ ચાર પરિવાર વચ્ચે મનભેદ શરૂ થયા

બનેવી-સાળી વચ્ચેના સંબંધને લાંછન લગાવતા આ કિસ્સાથી ચાર પરિવાર વચ્ચે મનભેદ શરૂ થયું છે. સગીર બહેન જ શૌતન બનતા પરિવાર ન્યાયની ગુહાર લગાવી રહ્યો છે. હાલમાં તો ચાંદખેડા અને રાણીપ પોલીસે આરોપી બનેવી વિરૂધ્ધ ગુનો નોંધીને જુદી-જુદી ટીમો બનાવીને આરોપીની શોધખોળ શરૂ કરી છે.

અત્રે ઉલ્લેખનીય છે કે, થોડા દિવસ અગાઉ સુરતમાં મોટાભાઇ નાનાભાઇની પત્નીને ભગાડી ગયા હોવાની ઘટના સામે આવી હતી. તો વેવાઇ-વેવાણ ભાગી ગયા હોવાનું પણ ઘણુ ચર્ચામાં આવ્યું હતું. ત્યારે હવે જમાઇ અને બનેવી સાળીઓને ભગાડી ગયા હોવાની ચોંકાવનારી ઘટના સામે આવી છે.