બોલિવૂડના કિંગ ખાન એટલે કે શાહરૂખ ખાન આજે પોતાનો 55મો જન્મદિવસ સેલિબ્રેટ કરી રહ્યો છે. શાહરૂખને ઈન્ડસ્ટ્રીમાં 28 વર્ષથી વધુનો સમય થઈ ગયો છે. તેણે દીવાના ફિલ્મથી પોતાના કરિયરની શરૂઆત કરી હતી. શાહરૂખ તેની જબરદસ્ત એક્ટિંગની સાથે મીડિયા સાથે તેના સારાં વ્યવહાર માટે પણ જાણીતો છે, પણ ઘણાં સમય પહેલાં એવી ઘટના બની હતી કે શાહરૂખ ખાન એક એડિટર ઉપર ખૂબ ગુસ્સે થયો હતો અને તેના કારણે તેને જેલમાં પણ જવું પડ્યું હતું.
શાહરૂખ ખાન આજે પોતાનો 55મો જન્મદિવસ સેલિબ્રેટ કરી રહ્યો છે
ઈન્ડસ્ટ્રીમાં 28 વર્ષથી વધુનો સમય થઈ ગયો
પોતાના ગુસ્સાને કારણે શાહરૂખને જેલમાં પણ જવું પડ્યું હતું
આ સમગ્ર ઘટના વિશે શાહરૂખ ખાને પોતે જ ખુલાસો કર્યો હતો. આ સમગ્ર ઘટનાનો ખુલાસો શાહરૂખ ખાને નેટફ્લિક્સ પર પ્રસારિત અમેરિકન હોસ્ટ ડેવિડ લેટરમેનના ચેટ શોમાં કર્યો હતો. જેમાં તેણે જણાવ્યું હતું કે એક વખત તેને ખૂબ જ ગુસ્સો આવ્યો હતો, જેના કારણે તેને જેલમાં જવું પડ્યું હતું. આ ખુલાસાની સાથે તેણે પોતાના જૂના દિવસોથી સંબંધિત ઘણી આશ્ચર્યજનક વાતો પણ કહી છે.
શાહરૂખ ખાને માત્ર ભારત જ નહીં પરંતુ વિશ્વના દરેક ખૂણામાં લોકોનું દિલ જીત્યું છે. હકીકતમાં શાહરૂખ ખાને ડેવિડ લેટરમેન સાથેની વાતચીતમાં જણાવ્યું હતું કે તેની કારકિર્દીના શરૂઆતના દિવસોમાં તેના વિશે એક મેગેઝિનમાં એક આર્ટિકલ પ્રકાશિત થયું હતું. જેમાં બાબતો લખવામાં આવી હતી કે જે સહન થઈ શકે એવી નહોતી.
શાહરૂખ ખાન આ આર્ટિકલને લઈને મેગેઝિનના સંપાદકને મળવા ગયો હતો. ત્યાં તેને કહેવામાં આવ્યું કે કેમ આટલું સીરિયસલી લે છે. આ તો મજાક છે. શાહરૂખને સંપાદકની વાતો પસંદ ન આવી અને તેને એમાં લખેલી વાતો મજાક નહોતી લાગી રહી. એવામાં શાહરૂખ સંપાદક પર ખૂબ ગુસ્સે થયો, તેમની સાથે બબાલ કરી અને ત્યાંથી જતો રહ્યો.
શાહરૂખે જણાવ્યું કે 'તે પછી હું એક દિવસ શૂટિંગ કરી રહ્યો હતો, કેટલાક પોલીસ અધિકારીઓ આવ્યા અને મને ખૂબ જ પ્રેમથી કહ્યું - અમારે તમને કેટલાક પ્રશ્નો પૂછવાના છે. જે પછી હું જેલ પહોંચ્યો. શાહરૂખે કહ્યું કે 'તે જગ્યા ખૂબ જ ગંદી અને નાની હતી. ત્યાં ખૂબ જ ખરાબ લોકો પણ હતા. આ સિવાય શાહરૂખ ખાને જણાવ્યું કે શરૂઆતના તબક્કામાં તે પોતાને મોટા પડદા પર જોવા બહુ જ ખરાબ અનુભવતો હતો. તેણે 'રાજુ બના ગયા જેન્ટલમેન' દરમિયાન આ વાત કહી હતી. શાહરૂખે કહ્યું કે હું ખુશ છું કે લોકોએ મને ખૂબ પસંદ કર્યો અને મને પ્રેમ આપ્યો.