મદદ / ખરાબ સમયથી પસાર થઈ રહ્યો હતો KKRનો આ ખેલાડી, કિંગ ખાને મદદ માટે મોકલ્યું પ્રાઇવેટ જેટ

• 2018 થી જ કોલકાતા નાઈટ રાઇટર્સ ટીમમાં
• દિનેશ કાર્તિકે એક પૉડકાસ્ટમાં આ વાત કહી 
• પ્રાઇવેટ જેટમાં પોતાના ખર્ચે લોકોને ચેન્નાઈથી દુબઈ લઈ ગયા

2018 થી જ કોલકાતા નાઈટ રાઇટર્સ ટીમમાં
દિનેશ કાર્તિક 2018 થી જ કોલકાતા નાઈટ રાઇટર્સ ટીમમાં છે. તેમણે આ વાત શેર કરતાં કહ્યું કે તે પોતાની જિંદગીમાં જ્યારે મુશ્કેલ સમયમાંથી પસાર થઈ રહ્યા હતા ત્યારે શાહરુખ ખાને તેમની ઘણી મદદ કરી હતી. એ સમયે દિનેશને ખુશ કરવા માટે શાહરૂખે એવું કર્યું જે જાણી તમને પણ ખુશી થશે. દિનેશ કાર્તિકે એક પૉડકાસ્ટમાં કહ્યું કે "શાહરુખ જેવું મન રાખવા વાળા ઘણા ઓછા લોકો છે. આ દુનિયાને તેમના જેવા માણસોની ઘણી જરૂર છે.  તે એકદમ સાચા છે અને લોકોનું ઘણું ધ્યાન રાખે છે. જે કઈ પણ મારી જિંદગીમાં થયું, તે પ્રાઇવેટ જેટમાં પોતાના ખર્ચે લોકોને ચેન્નાઈથી દુબઈ લઈ ગયા. 

દિનેશ કાર્તિકે એક પૉડકાસ્ટમાં આ વાત કહી 
તેમણે કહ્યું કે મને ખબર નહોતી કે ફ્રેન્ચાઇઝી આવું કરશે. પણ આ મારા માટે અવિશ્વસનીય અને અવાસ્તવિક હતું.  હું મારી જિંદગીમાં ક્યારેય પ્રાઇવેટ જેટમાં નથી બેઠો. તેમણે આવું કરીને મારું દિલ જીતી લીધું. હું એમના માટે કઈં પણ કરી શકું તેમ છું. તે એકદમ કમાલના માણસ છે. વધુમાં તેણે કહ્યું કે તેના અને શાહરૂખ ખાન વચ્ચે કમાલનો બોન્ડ છે.  તે મને ત્રિનીદાદ લઈ ગયા. ત્યાં અમે ઘણો સારો સમય પસાર કર્યો. તેમની CPLમાં એક ટીમ પણ છે, જે ટીમ સાથે હું જમ્યો. 

પ્રાઇવેટ જેટમાં પોતાના ખર્ચે લોકોને ચેન્નાઈથી દુબઈ લઈ ગયા
આ સાથે તેમણે બીજી વાત કરતાં ઉમેર્યું કે અમે ત્રિનીદાદ માં પણ વડાપાઉં ખાધું, ત્યાં પણ તેમની ઘણા બધા ચાહકો છે. એટલે ત્યાં તેમને ટોપી પહેરી ફરવું પડે છે. સાથે જ ઘણી યાદો ખરાબ પણ છે. પણ ઘણી વસ્તુઓ તમે જીવનભર નાથી ભૂલી શકતા. મે તેમની સાથે ઘણો સારો સમય વિતાવ્યો છે.