ક્રુરતા / પાકિસ્તાનમાં 11 વર્ષના છોકરા સાથે સૃષ્ટિ વિરુદ્ધનું કૃત્ય-હત્યા, હિન્દુઓમાં ભારે રોષની લાગણી

• પાકિસ્તાનમાં 11 વર્ષના હિન્દુ બાળકનું યૌન શોષણ 
• બાળકનું યૌન શોષણ કરીને તેની હત્યા કરવામાં આવી
• ઘટનાને કારણે હિન્દુઓમાં ભારે રોષનો માહોલ 

પાકિસ્તાનના સિંધ પ્રાંતમાં 11 વર્ષના હિન્દુ બાળકનું યૌન શોષણ કરીને તેની હત્યા કરી દેવામાં આવી હતી. ગત શનિવારે મીડિયામાં આ સમાચાર સામે આવ્યા  અને ત્યારથી લોકોમાં રોષનો માહોલ ફેલાયો છે. પરિવારના સભ્યોનું કહેવું છે કે તેમનો બાળક ગત શુક્રવારે ગાયબ થયો હતો. અને શનિવારે તેનો મૃતદેહ ખેરપુર મીર વિસ્તારમાં એક અવાવરુ જગ્યાએ મળી આવ્યો. 

બાળક ગાયબ થયા બાદ તેનો મૃતદેહ મળ્યો 

મીડિયા દ્વારા જ્યારે બાળકના સંબંધીને સવાલ કરવામાં આવ્યા ત્યારે તેમણે જણાવ્યું કે પરિવાર ગુરુમનાનક જયંતીના કાર્યક્રમમાં વ્યસ્ત હતો. બાળક ક્યારે ગાયબ થયો તે વીશે તેમને કોઈ જાણજ ન હતી. બાદમાં પરિવારે બાળકને ઘણો શોધ્યો પરંતુ બાળકની કોઈ ભાળ ન મળી અને બીજા દિવસે સાંજે પછી બાળકનો મૃતદેહ મળી આવ્યો હતો. 

ગળું દબાવીને બાળકને ઉતાર્યો મોતને ઘાટ 

સમગ્ર મામલે પોલીસના કહેવા પ્રમણે જે લોકોએ બાળકની હત્યા કરી છે. તે લોકોએ પહેલા બાળકનું યૌન શોષણ કર્યું હતું અને બાદમાં ગળું દબાવીને તેને મોતને ઘાટ ઉતાર્યો હતો. સાથેજ પોલીસે એવું પણ કહ્યું કે આ સમગ્ર મામલે તેમણે બે આરોપીઓની ધરપકડ લકરી છે. જેમાથી એકતો પોતોના ગુનો પણ કબૂલ કરી લીધો છે. 

અગાઉ પણ આવી ઘટના બની હતી 

આ ઉપરાંત પાકિસ્તાનના બાલ સંરક્ષણ પ્રાધિકરણ સુક્કુરના જુબૈર મહરે કહ્યું કે બાળકના શરીર પર ઈજાના ઘણા નિશાન મળી આવ્યા છે. સાથેજ તેમણે એવું પણ કહ્યું કે છેલ્લા અમુક દિવસોમાં આ પ્રકારની આ બીજી ઘટના સામે આવી છે.

પહેલા એક બાળકી પણ ગાયબ થઈ હતી

ઉલ્લેખનીય છે કે સમગ્ર મામલે મહરે એવું પરણ કહ્યું કે થોડાક સમય પહેલા સુ્કકુર જિલ્લાના સાલેહ પાટમાં હિંન્દુ સમુદાયની એક બાળકી ગાયબ થઈ હતી પોલીસે તેની ઓળખને લઈને 25 લાખ રૂપિયાના ઈનામની જાહેરાત પણ કરી હતી. જોકે તેમ છતા પણ બાળકી હજું સુધી નથી મળી શકી.