IPLIN
 
  • Home
  • India
  • serum institute adar poonawala says corona vaccine covishield to hit market-by february march

દાવો / સીરમ ઈન્સ્ટિટ્યૂટના CEO અદાર પૂનાવાલાએ કોવિશિલ્ડ વેક્સિનના માર્કેટમાં આવવાના સમયને લઈને દાવો કરતાં કહ્યું...

Team VTV 09:23 AM, 04 Jan 21
Follow us
serum institute adar poonawala says corona vaccine covishield to hit market-by february march

સીરમ ઈન્સ્ટિટ્યૂટના CEO અદાર પૂનાવાલાએ કહ્યું છે કે કોવિશિલ્ડ વક્સિનના 5 કરોડ ડોઝ વિતરણ માટે તૈયાર છે. અમે સરકારની ખરીદીના આદેશની રાહ જોઈ રહ્યા છે. તેઓએ કહ્યું છે કે કોવિશિલ્ડ વેક્સિન ફેબ્રુઆરી- માર્ચ સુધી બજારમાં આવી જશે.

  • સરકારની ખરીદીના આદેશની જોવાય છે રાહઃ પૂનાવાલા
  • વેક્સિનના 5 કરોડ ડોઝ તૈયાર છે
  • કોવિશિલ્ડને મળી ચૂકી છે DCGIની મંજૂરી

સીરમ ઈન્સ્ટિટ્યૂટના CEO અદાર પૂનાવાલાએ કહ્યું છે કે કોરોના વેક્સિન કોવિશિલ્ડ ફેબ્રુઆરી- માર્ચ સુધી બજારમાં આવી જશે. તેઓએ કહ્યું કે અમે સરકારની તરફથી ખરીદીના આદેશની રાહ જોઈ રહ્યા છે. ઉલ્લેખનીય છે કે ભારતમાં કોરોનાની 2 વેક્સિનને મંજૂરી મળી ચૂકી છે. ડ્રગ કંટ્રોલર જનરલ ઓફ ઇન્ડિયાએ સીરમ ઈન્સ્ટિટ્યૂટ ઓફ ઈન્ડિયાની કોવિશિલ્ડ અને ભારત બાયોટેકની કોવેક્સિનને મંજૂરી આપી દીધી છે. 

વેક્સિનના 5 કરોડ ડોઝ વિતરણ માટે તૈયાર છેઃ પૂનાવાલા

સીરમ ઈન્સ્ટિટ્યૂટના CEOએ કહ્યું કે વેક્સિનના 5 કરોડ ડોઝ વિતરણ માટે તૈયાર છે. પૂનાવાલાએ કહ્યું કે મને આશા છે કે ફેબ્રુઆરી- માર્ચ સુધી વેક્સિન બજારમાં આવશે. તેઓએ કહ્યું કે વેક્સિનની કોઈ સાઈડ ઇફેક્ટ નથી. લાંબી સુરક્ષા માટે 2 ડોઝ આપવા જરૂરી છે. 3 મહિનાના અંતરે વેક્સિન 90 ટકા અસરકારક છે. 


 
કંપની કરી રહી છે ઝડપથી કામ

વેક્સિન પર કેટલી ઝડપથી કામ થઈ રહ્યું છે તેની જાણ એ વાત પરથી થાય છે કે ઈમરજન્સી અપ્રૂવલ પહેલાંથી સીરમ ઇન્સ્ટિટ્યૂટે 5 કરોડ ડોઝ તૈયાર કરી લીધા હતા. સારી વાત તો એ છે કે આ વેક્સીનના કરોડો ડોઝ ભારતને મળશે તે નક્કી છે. 
 

અદાર પૂનાવાલાએ ટ્વિટ કરીને કહી આ વાત

 

અદાર પૂનાવાલાએ કહ્યું કે અમે વેક્સિનના વિતરણને માટે તૈયાર છીએ. તેઓએ ટ્વિટ કર્યું કે દરેકને નવા સાલ મુબારક, સીરમ ઈન્સ્ટિટ્યૂટે વેક્સિનનું જે રિસ્ક લીધું છે તેનું ફળ તેને મળી ચૂક્યું છે. દેશની પહેલી કોરોના વેક્સિનને મંજૂરી મળી ચૂકી છે જે સુરક્ષિત અને પ્રભાવી છે. આવનારા દિવસોમાં વિતરણ માટે કંપની તૈયાર છે. 
 
ડીસીજીઆઈએ સીરમ ઇન્સ્ટિટ્યૂટની વેક્સિનને પરમિશન આપતાં કહ્યું કે આ વેક્સિનને 2થી 8 ડિગ્રી સેલ્સિયસની વચ્ચે રાખવાની રહેશે. સાથે એમ પણ કહ્યું કે વેક્સિન લેનારાને કોવિશિલ્ડના 2 ડોઝ અપાશે. વેક્સિન 100 ટકા સુરક્ષિત રીતે તૈયાર કરાઈ છે. 

serum institute adar poonawala Coronavirus Vaccine Time Covishield કોવિશિલ્ડ અદાર પૂનાવાલા સીરમ ઇન્સ્ટિટ્યૂટ ઓફ ઇન્ડિયા કોરોના વાયરસ વેક્સિન
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ