ચિંતાજનક / આ દેશમાં લોકોએ વેક્સિન ન લીધી તો સંક્રમણ બેકાબૂ, સરકારે કહ્યું ઠીક થવું છે પછી મોત જોઈએ છે ?

• જર્મનીમાં કોરોનાના સંક્રમણ બેકાબૂ 
• લોકોએ વેક્સિન ન લેતા સંક્રમણ વધ્યું
• સ્વાસ્થ્ય મંત્રી લોકોને વેક્સિન લેવા માટે કરી અપીલ 

વિશ્વના ઘણા દેશોમાં વેક્સિનેશન પછી પણ કોરોના સંક્રમણને કારણે લોકો હેરાન થઈ રહ્યા છે. જેમા જર્મની પણ કઈક આવી પરિસ્થિતી છે. અહીયા લોકો વેક્સિનની ગંભીરતા નથી સમજી શક્યા જેના કારણે સરકારની ચિંતા વધી છે. જેને લઈને સ્વાસ્થ્ય મંત્રી જેન્સ સ્પેન દ્વારા ચેતવણી આપવામાં આવી છે. કે વેક્સિનેશન થી ઠીક થવું છે કે પછી સંક્રમણનથી મોત જોઈ છે? 

1 લાખથી વધું લોકોના અત્યાર સુધીમાં મોત 

પરિસ્થિતીની ગંભીરતાને ધ્યાનમાં રાખીને સ્વાસ્થ્ય મંત્રી દ્વારા લોકોને વેક્સિન મુકાવવા અપીલ કરવામાં આવી છે. આપને જણાવી દઈએ કે જર્મનીમાં ડેલ્ટા સંક્રમણને કારણે લોકો હેરાન પરેશાન થઈ રહ્યા છે. છેલ્લા 24 કલાકમાં અહીયા 62 લોકોના મોત થયા છે. અહીયા કુલ 1 લાખથી વધું લોકોના અત્યાર સુધીમાં મોત થઈ ચુક્યા છે. 

વેક્સિન લેવા સરકારની અપીલ 

સ્વાસ્થ્ય મંત્રી જેન્સ સ્પૈન દ્વારા લોકોને વધુમાં વધુ વેક્સિન લેવા માટે અપીલ કરવામાં આવી છે. સાથેજ તેમણે એવી આશા રાખી છે,. આ વર્ષના અંત સુદીમાં મોટા ભાગના લોકો વેક્સિન લગાવશે. જેથી કરીને દેશમાં સંક્રમણને કાબૂમાં કરી શકાય. 

ડેલ્ટા વેરિએંટને કારણે સંક્રમણ બેકાબૂ 

ઉલ્લેખનીય છે કે જર્મનીમાં કોરોનાના ડેલ્ટા વેરિએંટનો કહેર જોવા મળી રહ્યો છે. હોસ્પિટલમાં પણ દર્દીઓની સંખ્યા પણ વધી રહી છે. જેને લઈને સ્વાસ્થ્ય મંત્રીએ ચિંતા વ્યક્ત કરી છે. દેશમાં ફ્રી વેક્સિન આપવામાં આવી રહી છે. તેમ છતા પણ હજું માત્ર 68 ટકા લોકોએ વેક્સિન મુકાવી છે. જેથી વિશેષજ્ઞો દ્વારા કહેવામાં આવ્યું છે કે સંક્રમણ કાબૂમાં રાખવા માટે વેક્સિનેશન 100 ટકા થવું ખૂબજ જરૂરી છે.