ગુજરાતમાં વધી રહ્યો છે ડ્રગ્સનો કાળો કારોબાર, ગુજરાત કેમિસ્ટ એન્ડ ડ્રગિસ્ટ એસોસિએશનના પ્રમુખે ઓનલાઇન ફાર્મસી અંગે ગંભીર આક્ષેપ
ગુજરાતમાં વધી રહ્યું છે ડ્રગ્સનું દૂષણ
ગુજરાત કેમિસ્ટ એન્ડ ડ્રગિસ્ટ એસોસિયેશનનો ગંભીર આરોપ
ઓનલાઇન દવાના નામે ડ્રગ્સ થઇ સપ્લાય થાય છે-જસુ પટેલ
છેલ્લા ઘણા સમયથી ગુજરાતમાં ડ્રગ્સનું દૂષણ વધી રહ્યું છે. ગુજરાતમાં દર બે દિવસે ડ્રગ્સ ઝડપાયુ હોવાના સમાચાર સામે આવે છે ક્યારેક દરિયાકાંઠાના માધ્યમથી તો ક્યારેક ઓનલાઇન દ્વારા સીધી જ હોમ ડિલીવરી કરવામાં આવે છે. ઓનલાઇન બિઝનેસ હાલમાં ફૂલીફાલી રહ્યો છે. લોકો લોકલ બજારને બદવે ઓનલાઇન ખરીદી કરવાનું પસંદ કરી રહ્યા છે તેવામાં ડ્રગ્સ માફિયાઓને પણ ઓનલાઇન વેચાણ માટે મોકળુ મેદાન મળી ગયુ હોય તેમ લાગી રહ્યું છે. ત્યારે આ મામલે ગુજરાત કેમિસ્ટ એન્ડ ડ્રગિસ્ટ એસોસિએશન દ્વારા કેટલાકગંભીર આક્ષેપો કરવામાં આવ્યા છે.
NCBએ પ્રતિબંધિત કરેલી દવાઓ વેચાયછે- જસુ પટેલ
ગુજરાત કેમિસ્ટ એન્ડ ડ્રગિસ્ટ એસોસિયેશનના પ્રમુખ જસુ પટેલે ગંભીર આરોપ લગાવતા જણાવ્યું કે ગુજરાત,ઉત્તરાખંડમાં ઓનલાઇન દવાના નામે ડ્રગ્સ સપ્લાય થાય છે. પહેલા પણ આ રીતે ગુજરાતમાં ડ્રગ્સ આવ્યું હતું. નશાકારક દવાઓ પણ ઓનલાઇન ફાર્મસીમાં વેચાઇ રહી છે. એનસીબીએ જે દવાઓ પર પ્રતિબંધ મૂક્યો છેતે દવાઓ પણ ઓનલાઇન વેચાઇ રહી છે. નેટ્રાઝીપમ, કલોનીઝિપમ, આલ્પ્રાઝોલમ સહિતની ડ્રગ્સ યુક્ત દવાનું વેચાણ બેફામ થઇ રહ્યું છે. ભાડૂતી ડોક્ટરો દ્વારા પ્રતિબિંધિત દવાઓનું ખુલ્લેઆમ વેચાણ થઇ રહ્યું છે.
ઓનલાઇન ફાર્મસી પર લેવા જોઇએ પગલા- જસુ પટેલ
આ અંગે તેઓએ વધુમાં જણાવ્યું કે યુવાધનને બચાવવા સરકારે ઓનલાઇન ફાર્મસી પર જરૂરી પગલા લેવા જોઇએ. ડ્રગ્સ કંટ્રોલર ઑફ ઇન્ડિયા દ્વારા સ્ટેટના ડ્રગ્સ કંટ્રોલર વિભાગને પત્ર લખીને જણાવ્યું છે છતાં પણ કોઇ કાર્યવાહી કરવામાં આવતી નથી. ઓનલાઇન વેપારમાં ગર્ભપાતની દવાઓ અને નશાકારક દવાઓનું ખુલ્લેઆમ વેચાણ થઇ રહ્યું છે.
સ્વાસ્થ્ય સાથે ચેડા યોગ્ય નહી- જસુ પટેલ
ઓનલાઇન દવાનો વેપાર થતા નાના વેપારીઓનું અસ્તિત્વ જોખમાયુ છે. સાથે સાથે ગુજરાતના યુવાધનને પણ નશાના રવાડે ચઢાવવામાં ઓનલાઇન દવાનો વેપાર મહત્વની ભૂમિકા ભજવે છે.આપણા કરતા વિકસિત દેશમાં પણ દવાનો ધંધો ઓનલાઇન નથી. આથી સરકારે આ અંગે કોઇ એક્શન લેવા જોઇએ. કારણ કે લોકોના સ્વાસ્થ્ય સાથે ચેડા થાય તે યોગ્ય નથી.