ગ્રહોની ચાલ / આ અઠવાડિયે શેરબજારમાં રહેશે વધઘટ, તો સોના ચાંદીમાં ચાલુ રહેશે નરમાઈની ચાલ

• ગ્રહોની બદલાઈ રહી છે ચાલ
• શેરબજાર અને સોના ચાંદીને થઈ રહી છે મોટી અસર
• ગ્રહોની ચાલ લાવી શકે છે નકારાત્મક અસર

સપ્તાહના અંતમાં થશે આવી અસરો

આ સપ્તાહના મહત્ત્વના યોગોમાં સપ્તાહની શરૂઆતના દિવસોમાં કોઇ મોટા યોગો ન થતા હોવાથી બજારની ચાલ બદલાવવાની શકયતા ન ગણાય. આ સપ્તાહના અંતિમ દિવસે મંગળ અને ગુરુની યુતિ થાય છે, જે બજારની ચાલ બદલવામાં મદદરૂપ બની શકે છે. ગુરુ અને શનિ પોતાની સ્વરાશિમાં ભ્રમણ કરે છે અને મંગળ પોતાની ઉચ્ચત્વવાળી રાશિમાં ભ્રમણ કરે છે. આ સપ્તાહમાં સૂર્ય શુક્રથી અતિ નજીક છે.

શેરબજાર

આ સપ્તાહની શરૂઆતના દિવસે બજાર નરમ ખૂલી શકે છે અને ખૂલ્યા ભાવથી નરમ રહી શકે છે. બજારમાં સપ્તાહની મધ્યના દિવસોમાં બેતરફી બજારમાં વધઘટ રહી શકે છે અને એકાદ દિવસ બજારમાં મજબૂતી જોવા મળે પણ આ દિવસોમાં ઊંચા મથાળે તેજીનો વેપાર કરવો હિતાવહ નથી. આ સપ્તાહના મધ્યના દિવસોમાં દરેક ઉછાળે બજારમાં વેચીને વેપાર કરી શકાય.  સપ્તાહના અંતિમ દિવસોમાં બજારમાં સારી મજબૂતી જોવા મળે. ગ્રહયોગો જોતાં બેન્ક, સ્ટીલ, મેટલ, રિલાયન્સ, ઓટો સેક્ટરમાં વધઘટ વધુ આવી શકે છે. આ દિવસોમાં એકાદ દિવસ વેચવાલી પણ જોવા મળે. સપ્તાહના અંતિમ દિવસોમાં બજારમાં નરમ ધ્યાન રાખીને વેપાર કરવો. આ સપ્તાહમાં શેરબજારમાં બેતરફી વધઘટ રહી શકે છે.

સોના-ચાંદી

સોના-ચાંદીમાં નરમાઇના યોગો છે. આ સપ્તાહના શરૂઆતના દિવસથી બજારમાં વેચીને વેપાર સોના અને ચાંદીમાં કરવો લાભદાયી થઇ શકે છે. આ દિવસોમાં ચાંદીમાં વેચવા આવી શકે તેવા યોગો હોવાથી ચાંદીમાં વેચાણ કરવું હિતાવહ છે. સોનામાં પણ દરેક ઉછાળે વેચવાલી આવી શકે છે. સપ્તાહના મધ્યના દિવસોમાં ચાંદીમાં નરમ ભાવ બતાવી શકે છે પણ એકાદ દિવસ બજારમાં સામાન્ય મજબૂતી જોવા મળે તો વેચીને મંદીનો વેપાર ગોઠવવો લાભદાયી રહે. સપ્તાહના અંતિમ દિવસોમાં બજારમાં નવી વેચવાલી આવતાં વધુ બજાર નરમ જોવા મળે. આ મંદીના વેપાર બીજા સપ્તાહ માટે કેરીફોરવર્ડ કરવાથી સારો નાણાકીય લાભ મળી શકે છે. એકંદરે આ સપ્તાહમાં સોના-ચાંદીમાં વેચવાલી આવી શકે છે.

ક્રૂડ ઓઇલ

આ સપ્તાહમાં ક્રૂડ ઓઇલમાં મજબૂત બજાર બતાવે તેવા યોગો હોવાથી સપ્તાહની શરૂઆતના દિવસથી જ ક્રૂડ ઓઇલમાં સ્ટોક કરતાં જવો. સપ્તાહની શરૂઆતના દિવસથી બજારમાં દરેક ભાવે સ્ટોક કરી શકાય તેવી રીતે વેપાર ગોઠવવો લાભદાયી રહે. સપ્તાહના મધ્યના દિવસો સુધી સ્ટોક વધારી શકો છો. સપ્તાહના મધ્યના દિવસોમાં એકાદ દિવસ સામાન્ય નરમ બજાર જોવા મળી શકે છે પણ ધ્યાન મજબૂત રાખીને વેપાર કરવો. સપ્તાહના અંતિમ દિવસોમાં પણ બજારમાં નવી માગ નીકળતાં મજબૂત બજાર રહી શકે છે. ફોરેન માર્કેટમાં બજારમાં સારી તેજીનો ઉછાળો આવતાં સ્થાનિક બજારમાં પણ મજબૂત ભાવ રહે. લાંબા સમય માટે તેજીનો વેપાર ગોઠવી શકાય. 

એરંડા-તેલ-તેલીબિયાં

સિંગતેલ, દિવેલ, રાયડો, એરંડા, કપાસિયા, તેલ-તેલીબિયાંમાં  આ સપ્તાહમાં મજબૂતીના યોગો હોવાથી સપ્તાહની શરૂઆતથી બજારમાં નવી લેવાલી નીકળી શકે છે. આ સપ્તાહમાં તેલ, તેલીબિયાંમાં શરૂઆતના દિવસથી જ તેજી ધ્યાન રાખીને વેપાર કરવો. સપ્તાહની શરૂઆતના દિવસથી જ દરેક ભાવે સ્ટોક કરી શકીએ એવી રીતે વેપાર કરવો. કોઇ દિવસ સાંકડી વધઘટ જોવા મળી શકે છે. સપ્તાહના અંતિમ દિવસોમાં પણ તેલ, તેલીબિયાં, એરંડામાં મજબૂતીના જ યોગ હોવાથી સ્ટોક કરીને જ વેપાર કરવો લાભદાયી રહી શકે. આ સપ્તાહમાં સિંગતેલમાં મજબૂતી જોવા મળી શકે છે.  આ સપ્તાહમાં સિંગતેલ, રાયડો, દિવેલ, એરંડા, તેલ, તેલીબિયાંના ભાવમાં મજબૂતી જોવા મળી શકે છે.