અમદાવાદમાં સાયન્સ સિટીની મુલાકાત લેતા લોકો માટે મેનેજમેન્ટ દ્વારા મોટી રાહત આપવામાં આવી છે. જેમા 900 રૂપિયાની ફી ના બદલે સાયન્સ સિટી દ્વારા હવે 499 રૂપિયાનો કોમ્બો પ્લાન લોન્ચ કરવામાં આવ્યો છે.
સાયન્સ સિટી મુલાકત લેતા લોકો માટે સારા સમાચાર
મેનેજમેન્ટે ફીના દરમાં કર્યો ઘટાડો
કોમ્બો ઓફર શરૂ કરી 900ના બદલે 499 રૂપિયા ફી રાખી
અમદાવાદમાં સાયન્સ સિટી ખાતે જતા મુલાકાતીઓ માટે મોટા સમાચાર સામે આવી રહ્યા છે. જેમા આજથી સાયન્સ સિટીના દર ઘટાડવામાં આવ્યા છે. જેથી મુલાકાતીઓને મોટા પ્રમાણમાં રાહત આપવામાં આવી છે. નવી જે ઓફર રાખવામાં આવી છે. તેમા મુલાકાતીઓને મોટા પ્રમાણમાં ફાયદો થઈ શકે છે.
નવી કોમ્બો ઓફર 499 રૂપિયા
નવી કોમ્બો ઓફર પ્રમાણે પ્રવાસીઓ હવે 499 રૂપિયામાં મુલાકાત લઈ શકશે. મંગળવારથી શુક્રવાર સુધી 499 રૂપિયામાં મુલાકાતીઓ ફાયદો લઈ શકશે. આપને જણાનવી દઈએ કે અગાઉ તંત્ર દ્વારા 900 રૂપિયા ચાર્જ લેવામાં આવતો હતો.
અગાઉ 900 રૂપિયા ફી લેવાતી હતી
જોકે હવે 900 રૂપિયાની જગ્યાએ માત્ર 499 રૂપિયામાં મુલાકાત લઈ શકાશે. જેમા મંગળવારથી શુક્રવાર સુધી 499 રૂપિયા ફી રાખવામાં આવી છે. આપને જણાવી દઈએ કે 499માં રૂપિયામાં હવે એક્વિટિક ગેલરી, તેમજ 5D થિયેટરનો સમાવેશ કરવામાં આવ્યો છે. સાથેજ રોબોટિક ગેલેરીનો પણ લાભ મુલાકાતીઓ લઈ શકશે.
499માં 4D થિેયેટરનો પણ લાભ મળશે
ઉલ્લેખનીય છે કે 499 રૂપિયામાં મુલાકાતીઓ માટે 1 VR રાઈડ, તેમજ થ્રીલરાઈડનો સમાવેશ કરવામાં આવ્યો છે. આ સિવાય માર્શ ટૂ મિશન રાઈડ મુલાકાતનો સમાવેશ પણ કરવામાં આવ્યો છે. સાથેજ મુલાકાતીઓ માટે 499માં 4D થિયેટર અને કોલ માઈનની મુલાકાતનો સમાવેશ પણ કરવામાં આવ્યો છે.