જમ્મુ -કાશ્મીર / 370 હટાવ્યા બાદ જમ્મુ- કાશ્મીરની ખીણમાં સ્કૂલો આજથી ચાલુ, શિયાળાની લાંબી રજાઓ બાદ શૈક્ષણિક સત્ર શરુ

• 3 મહિના બાદ કશ્મીર ઘાટીમાં આજે ખૂલી સ્કૂલ કોલેજ
• શિયાળાની લાંબી રજાઓ બાદ આજથી શાળા કોલેજ શરૂ
• જમ્મુ કાશ્મીરનો વિશેષ રાજ્યનો દરજ્જો પરત લીધા બાદ બંધ હતી શાળા કોલેજ

3 મહિના બાદ કશ્મીર ઘાટીમાં આજે ખૂલી સ્કૂલ કોલેજ

લાંબા સમયની રજાઓ બાદ જમ્મુ કાશ્મીરમાં આજથી શૈક્ષણિક સત્રનો પ્રારંભ થઇ ગયો છે. નોંધનીય છે કે જમ્મુ -કાશ્મીરનો વિશેષ રાજ્યોનો દરજ્જો પરત લીધા બાદ રાજયમાં ફેલાયેલી અનિશ્ચિતતાની સ્થિતિનાં કારણે શાળા કોલેજ ઠંડીના રજા પહેલા જ બંધ કરવાનો નિર્ણય લેવાયો હતો. 3 મહિનાથી સ્કુલો બંધ હતી.

આજથી રાબેતા મુજબ શૈક્ષણિક સત્ર શરૂ થઇ જશે

370ની કલમ રાજ્યમાંથી હટાવ્યાં બાદ રાજ્યની સ્થિતિને જોતા શાળા કોલેજ બંધ રાખવાનો નિર્ણય લેવાયો હતો. ડાયરેક્ટર ઓફ સ્કૂલ એજ્યુકેશન મોહમ્મદ યુનિસ મલિકે જણાવ્યું હતું કે ‘જમ્મુ -કાશ્મીરની તમામ શાળા અને કોલેજમાં આજથી રાબેતા મુજબ શૈક્ષણિક સત્ર શરૂ થઇ જશે. તેમજ શૈક્ષણિક કાર્યક્રમોને સામાન્ય બનાવવા માટે પૂરી વ્યવસ્થા કરવામાં આવી છે. 

શિક્ષકોનું પર્ફોમન્સ સંતોષજનક રહ્યું છે

ફિલ્ડ ઓફિસર્સને દિશા નિર્દેશ આપવામાં આવ્યા છે કેમ કે નિયમિત રીતે સ્કુલનો પ્રવાસ કરે તથા એકેડમિક એક્ટિવીટીનું નિરિક્ષણ કરે. મલિકે એમ પણ કહ્યું હતું કે વિન્ટર ટ્યૂટોરિયલમાં શિક્ષકોનું પર્ફોમન્સ સંતોષજનક રહ્યું છે.  આશા છે કે આવનારા સેશન્સમાં પણ નવા ઉત્સાહ સાથે કામ કરશે.