અગ્નિપથનો વિરોધ / બિચારા બાળકોનો શું વાંક ? દરભંગામાં પથ્થરમારા વચ્ચે ફસાઈ સ્કૂલ બસ, VIDEO વાયરલ

• બિહારમાંથી ફાટી નીકળેલી વિરોધની ચિનગારી અનેક રાજ્યોમાં ફેલાઈ
• બિહારના દરભંગાનો એક સ્કૂલ બસનો વીડિયો ઝડપથી વાયરલ 
• લોકો સોશિયલ મીડિયા પર વિરોધીઓ સામે પોતાની નારાજગી વ્યક્ત કરી

ઉલ્લેખનીય છે કે, બિહારમાં છેલ્લા ત્રણ દિવસથી યુવાનોનો વિરોધ ચાલી રહ્યો છે. મળતી માહિતી મુજબ શુક્રવારે વહેલી સવારે યુવકો રસ્તા પર ઉતરી આવ્યા હતા અને હિંસક દેખાવો શરૂ કરી દીધા હતા. જેની વચ્ચે બિહારના દરભંગાનો એક સ્કૂલ બસનો વીડિયો ઝડપથી વાયરલ થઈ રહ્યો છે. 

#WATCH | Bihar: A school bus, with children on board, got stuck in the road blockade by agitators in Darbhanga. The bus later managed to get out of the blockade with Police intervention.

The agitators were protesting against the #AgnipathRecruitmentScheme pic.twitter.com/E8lFLk9leD

— ANI (@ANI) June 17, 2022

પથ્થરમારામાં સ્કૂલ બસ ફસાઈ ગઈ

બિહારના દરભંગાનો એક વીડિયો ઝડપથી વાયરલ થઈ રહ્યો છે. અગ્નિપથ યોજનાના હિંસક વિરોધ વચ્ચે એક સ્કૂલ બસ ફસાયેલી વીડિયોમાં જોવા મળે છે. બસમાં ચારથી પાંચ માસૂમ બાળકો પણ છે, જેઓ ડરી રહ્યાં છે અને રડી રહ્યાં છે. લોકો સોશિયલ મીડિયા પર વિરોધીઓ સામે પોતાની નારાજગી વ્યક્ત કરી રહ્યા છે. 

The residence of Bihar BJP chief Sanjay Jaiswal, in Bettiah, attacked by agitators protesting against #AgnipathRecruitmentScheme. At least one Policeman injured. pic.twitter.com/y7CI1ubpb3

— ANI (@ANI) June 17, 2022

ભાજપના પ્રદેશ પ્રમુખના ઘર પર હુમલો

વિદ્યાર્થીઓના હિંસક વિરોધ વચ્ચે ભાજપના પ્રદેશ અધ્યક્ષ સંજય જયસ્વાલના બેતિયામાં આવેલા ઘર પર પણ હુમલો કરવામાં આવ્યો છે. મળતી માહિતી મુજબ ઘર પર પથ્થરમારો કરવામાં આવ્યો છે. આ હુમલામાં એક પોલીસકર્મી પણ ઘાયલ થયો હતો.

#WATCH | Bihar: The residence of Deputy CM Renu Devi, in Bettiah, attacked by agitators during their protest against #AgnipathScheme

Her son tells ANI, "Our residence in Bettiah was attacked. We suffered a lot of damage. She (Renu Devi) is in Patna." pic.twitter.com/Ow5vhQI5NQ

— ANI (@ANI) June 17, 2022

બિહારના નાયબ મુખ્યમંત્રીના ઘર પર ટોળાનો હુમલો

અગ્નિપથ યોજનાનો વિરોધ કરી રહેલા વિદ્યાર્થીઓએ બિહારના ઉપમુખ્યમંત્રી રેણુ દેવીના બેતિયામાં આવેલા ઘર પર હુમલો કર્યો હતો. તેમના પુત્રએ સમાચાર એજન્સી એએનઆઈને જણાવ્યું કે બેતિયામાં તેમના નિવાસસ્થાન પર હુમલો કરવામાં આવ્યો. ઘરને નોંધપાત્ર નુકસાન થયું છે. રેણુ દેવી હાલ પટનામાં છે.

બક્સરમાં રેલવે ટ્રેક પર તોડફોડ 

બક્સરમાં યુવકોએ રેલવે ટ્રેક પર બેસીને યોજનાનો વિરોધ કર્યો હતો. જણાવવામાં આવી રહ્યું છે કે આ દરમિયાન યુવકોએ ટાયર પણ સળગાવ્યા હતા. જ્યારે લખીસરાયમાં યુવકોએ વિક્રમશિલા એક્સપ્રેસને રોકીને ટ્રેનમાં તોડફોડ કરી હતી.