ઠગબાજો લોકોને ચૂનો લગાડીને તેમને એકાઉ્ન્ટ સાફ કરી નાખવા માટે જાતજાતના તુક્કા કરી રહ્યાં છે પરંતુ લોકોએ હવે ખૂબ સાવધ થઈ જવાની જરુર છે.
સ્ટેટ બેંક ઓફ ઇન્ડિયાના યુઝર્સને સરકારનું એલર્ટ
પીઆઈબીએ એડવાઈઝરી જારી કરીને સતર્ક રહેવાનું કહ્યું
ઠગબાજો મોકલી રહ્યાં છે ફેક લિક
ફેક લિંકને આધારે આચરી રહ્યાં છે ફ્રોડ
સ્ટેટ બેંક ઓફ ઇન્ડિયા (એસબીઆઇ)ના ગ્રાહકોને સરકાર દ્વારા ફેક એલર્ટ અંગે ચેતવણી આપવામાં આવી છે. સરકારી એજન્સી પીઆઈબીએ એડવાઈઝરી જાહેર કરીને એસબીઆઈના યુઝર્સને એસએમએસ અને કોલ્સનો જવાબ ન આપવા જણાવ્યું છે, જેમાં દાવો કરવામાં આવ્યો છે કે તેમનું બેંક ખાતું બ્લોક કરાયું છે. સરકારે એસબીઆઈના ગ્રાહકોને એસએમએસમાં આવતી કોઈપણ લિંક પર ક્લિક ન કરવા જણાવ્યું છે અને તેમને આવા મેસેજ જોયા વગર ડિલીટ કરવાનું જણાવ્યું છે.
એસબીઆઈ એકાઉન્ટ બ્લોક થયું હોવાનો મેસેજ ખોટો
પીઆઈબીએ ટ્વીટ કરીને કહ્યું છે કે, તમારૂ @TheOfficial SBI એકાઉન્ટ બ્લોક કરવામાં આવ્યું હોવાનો દાવો કરતો મેસેજ ફેક છે. ટ્વિટમાં આવા જ એક ફેક એસએમએસની તસવીર પણ છે. સરકારી એજન્સીએ ચેતવણી આપી છે કે તમારી વ્યક્તિગત અથવા બેંકિંગ વિગતો શેર કરવા માટે કહેતા ઇમેઇલ્સ / એસએમએસનો જવાબ આપશો નહીં.
પ્રેસ ઈન્ફર્મેશન બ્યૂરો અથવા પીઆઈબી ભારત સરકારની નોડલ એજન્સી છે, જે સરકારી નીતિઓ, કાર્યક્રમો, પહેલો અને ઉપલબ્ધિઓ પર પ્રિન્ટ અને ઈલેક્ટ્રોનિક મીડિયા સુધી માહિતી પહોંચાડે છે.
— State Bank of India (@TheOfficialSBI) March 4, 2022
ફેક એસએમએસમાં એસબીઆઈ યુઝર્સને શું કહેવામાં આવ્યું જાણો
પીઆઈબીના આ ટ્વીટમાં આવા જ એક નકલી એસએમએસની તસવીર શેર કરવામાં આવી છે, જે ચલણમાં છે. કપટપૂર્ણ એસએમએસમાં લખ્યું છે: "પ્રિય ખાતાધારક, તમારા એસબીઆઈ બેંકના દસ્તાવેજો સમાપ્ત થઈ ગયા છે A/C હવે બ્લોક થઈ જશે, ચાલુ કરવા માટે આ લિંક પર ક્લિક કરો: https://sbikvs.ll,તેમણે કહ્યું કે આ લિંક નકલી છે. પ્રિય ગ્રાહક, કેવાયસી માટે તમારું એસબીઆઈ બેંક ખાતું સસ્પેન્ડ કરવામાં આવ્યું છે, કૃપા કરીને આ લિંક પર ક્લિક કરીને 10 મિનિટમાં તમારા કેવાયસીને પૂર્ણ કરો. ત્યારે SBIએ ગ્રાહકોને ચેતવણી આપી છે કે તેઓ આ એસએમએસ પર ક્લિક ન કરે. આવા ફ્રોડથી બચવા માટે SBI સમયાંતરે માહિતી આપતી રહે છે, તેથી તમારે બેંકના ઓફિશિયલ ટ્વિટર એકાઉન્ટ સાથે જોડાયેલા રહેવું જોઇએ.