સુવિધા / SBIએ લોન્ચ કરી નવી સ્કીમ, હવે પઝેશન મળવામાં મોડું થશે તો બેંક કરશે આ મદદ

• ઘર લેવામાં બેંક કરશે તમારી મદદ
• SBIએ લોન્ચ કરી નવી સ્કીમ
• પઝેશન મળવામાં મોડું થશે તો મળશે આ ફાયદો

SBIએ લોન્ચ કરી આ નવી સ્કીમ

હવે ઘર ખરીદનારાઓને માટે દેશની સૌથી મોટી સરકારી બેંક ભારતીય સ્ટેટ બેંકે એક ખાસ સ્કીમ રેશિડેંશલ બિલ્ડર ફાઈનેંસ વિથ બાયર ગેરેંટી સ્કીમ લોન્ચ કરી છે. આ સ્કીમના આધારે ખરીદનારને નક્કી સમયે ઘરનું પઝેશન નહીં મળે તો બેંક ગ્રાહકને પૂરેપૂરું પ્રિન્સિપલ એમાઉન્ટ પાછું આપશે. 

આ રિફંડ સ્કીમનો લાભ કેવી રીતે મળશે.

આ રિફંડ સ્કીમ ત્યાં સુધી માન્ય રહેશે જ્યાં સુધી ઘર ખરીદનારને પઝેશન મળતું નથી. હાલમાં SBI દ્વારા 10 શહેરોમાં આ સ્કીમ લાગૂ કરવામાં આવી છે. આ સ્કીમના આધારે મહત્તમ 2.5 કરોડ રૂપિયાની કિંમતના મકાનને માટે હોમલોન મળી શકે છે. 

ઉદાહરણ તરીકે,

માની લો કે તમે 2 કરોડ રૂપિયાનો ફ્લેટ બુક કરાવ્યો છે. અને 1 કરોડ રૂપિયા તમે આપી ચૂક્યા છો. એવામાં પ્રોજેક્ટ અટકી જાય છે તો SBI તમને 1 કરોડ રૂપિયા રિફંડ કરશે. બેંકની તરફથી આપવામાં આવેલી ગેરેંટીનો સમય પઝેશન સાથે જોડાયેલો રહેશે. આ ગેરેંટી રેરા રજિસ્ટર્ડ યોજનાઓ પર પણ લાગૂ થશે. તેની સીમા પૂરી થયા બાદ પ્રોજેક્ટને અટકેલો ગણી લેવામાં આવશે.

શું થશે ફાયદો

SBIની તરફથી મળતી માહિતી અનુસાર આ સ્કીમની અસર રિયલ એસ્ટેટ સેક્ટરની સાથે એ મકાન ખરીદનારો પર પડશે જે મકાનનું પઝેશન ન મળવાના કારણે મુશ્કેલીમાં ફસાઈ જાય છે. રેરા, વસ્તુ અને સેવા કર એટલે કે જીએસટીના નિયમોમાં ફેરફાર સિવાય પણ ફાયદો આપે છે. જે લોકો મકાન સમયસર ન મળવાના કારણે આર્થિક મુશ્કેલીમાં મુકાય છે તેમને માટે આ એક સારો વિકલ્પ છે. મંદ પડેલા રિયલ એસ્ટેટ સેક્ટરને વધારવા માટે સરકાર સતત પ્રયાસ કરી રહી છે. આ સાથે સરકારે પ્રોજેક્ટને પૂરા કરવા માટે પણ 25000 કરોડ રૂપિયાના ફંડની જાહેરાત કરી છે.