- ચીનના ઔદ્યોગિક ઉત્પાદનમાં ઘટાડાની અસર ક્રૂડ ઓઈલની કિંમતો પર
- ક્રૂડ ઓઈલના ભાવ 90 ડૉલર પ્રતિ બેરલથી નીચે જવાની સંભાવના
- ચીનમાં ક્રૂડ ઓઈલની માંગ સતત ઘટી રહી છે
ચીનના ઔદ્યોગિક ઉત્પાદનમાં સતત બીજા મહિને ઘટાડાની અસર ક્રૂડ ઓઈલની કિંમતો પર દેખાવા લાગી છે. ચીન એ ક્રૂડ ઓઈલની આયાત કરનારો સૌથી મોટો દેશ છે અને ચીનમાં ઔદ્યોગિક ગતિવિધિઓમાં મંદીથી ક્રૂડની માંગ પર અસર થવાની શક્યતા છે. આ જ કારણ છે કે, વૈશ્વિક સ્તરે બ્રેન્ટ ક્રૂડના ભાવમાં ત્રણ ટકાનો ઘટાડો થયો અને ક્રૂડ ઓઈલની કિંમત પ્રતિ બેરલ 103.9 ડૉલર પ્રતિ બેરલ રહી.
.jpg)
કિંમત 90 ડૉલર પ્રતિ બેરલથી નીચે આવી શકે છે
મંગળવારે તેની કિંમતમાં વધુ ઘટાડો થવાનું અનુમાન છે. યુરોપ પણ આગામી ડિસેમ્બર સુધી રશિયા પાસેથી ક્રૂડ ઓઈલની આયાત કરવાનું શરૂ રાખશે, જેથી વૈશ્વિક સ્તરે ક્રૂડ ઓઈલના પુરવઠા માટે મર્યાદિત દેશો પર નિર્ભરતા ન રહે. SBI Ecowrap એ આગામી એક-બે મહિનામાં ક્રૂડ ઓઈલના ભાવ 90 ડૉલર પ્રતિ બેરલથી નીચે જવાની સંભાવના વ્યક્ત કરી છે.
ક્રૂડ ઓઈલની માંગમાં સતત ઘટાડો
સોમવારે જારી કરાયેલા રિપોર્ટ અનુસાર ચીનમાં ક્રૂડ ઓઈલની માંગ સતત ઘટી રહી છે અને આ વર્ષે એપ્રિલમાં ચીનમાં પેટ્રોલ, ડીઝલ અને એર ઈંધણની માંગ ગયા વર્ષના એપ્રિલની સરખામણીમાં 20 ટકા ઘટી શકે છે. એ હિસાબથી ચીનમાં ક્રૂડ ઓઈલના વપરાશમાં પ્રતિદિન 1.2 મિલિયન બેરલનો ઘટાડો થવાનો અંદાજ છે.
રશિયા-યુક્રેન યુદ્ધની અસર
રિપોર્ટ અનુસાર, વર્ષ 2021માં ચીનમાં ક્રૂડ ઓઈલની સરેરાશ માંગની સરખામણીએ નવ ટકા સુધીનો ઘટાડો નોંધાયો છે. રશિયા-યુક્રેન યુદ્ધની શરૂઆતના થોડાં દિવસો પહેલાં ક્રૂડ ઓઈલની વૈશ્વિક કિંમત 90 ડૉલર પ્રતિ બેરલની આસપાસ હતી, જે યુદ્ધ પછી 130 ડૉલર પ્રતિ બેરલની નજીક પહોંચી ગઈ હતી.
ભાવમાં ઘટાડો થવાનું અનુમાન
ચીનમાં કાચા તેલની માંગમાં ઘટાડો અને યુરોપ અને અમેરિકા દ્વારા રશિયા પાસેથી તેલની ખરીદી ચાલુ રાખવાથી કાચા તેલમાં ફરી નરમાઈનો ટ્રેન્ડ શરૂ થયો છે. કોરોનાના કારણે ચીનના ઘણાં મોટા શહેરોમાં લોકડાઉનના કારણે ત્યાંનું ઔદ્યોગિક ઉત્પાદન ઘટીને ગયા વર્ષના ફેબ્રુઆરી 2020ની નજીક આવી ગયું છે.
રશિયાએ ઉત્પાદન શરૂ રાખ્યું
યુરોપીય દેશ વતી રશિયા પાસેથી ક્રૂડ ઓઈલની ખરીદી ચાલુ રાખીને રશિયાએ ક્રૂડ ઓઇલનું ઉત્પાદન શરૂ રાખ્યું છે. રશિયા દરરોજ 47 લાખ બેરલનું ઉત્પાદન કરે છે અને આ ઉત્પાદનના 50 ટકા યુરોપના દેશોમાં નિકાસ કરે છે.
