ક્રિકેટ / સૌરાષ્ટ્રના ક્રિકેટ રસિકો માટે ખુશ ખબર, IPL બાદ હવે રાજકોટમાં શરુ થશે સૌરાષ્ટ્ર પ્રિમિયમ લીગ

રાજકોટ સહિત સૌરાષ્ટ્રભરના ક્રિકેટ રસિકો માટે સારા સમાચાર છે. હવે રાજકોટમાં સૌરાષ્ટ્ર પ્રીમિયમ લીગ શરૂ થવા જઇ રહી છે. સૌરાષ્ટ્ર પ્રીમિયમ લીગ 9 દિવસ માટે રમાશે જેમાં 5 ટીમો સામસામે ટકરાશે. રાજકોટમાં સૌરાષ્ટ્ર પ્રીમિયમ લીગ 14 મેથી સૌરાષ્ટ્ર ક્રિકેટ સ્ટેડિયમમાં શરૂ થવા જઇ રહ્યો છે. IPL બાદ હવે રાજકોટમાં SPL (સૌરાષ્ટ્ર પ્રીમિયમ લીગ) શરૂ થવા જઇ રહ્યો છે. આ વિશે જણાવીએ કે, રાજકોટના સૌરાષ્ટ્ર ક્રિકેટ એસોસિયેશન સ્ટેડિયમ ખાતે 14 મેંથી સૌરાષ્ટ્ર પ્રીમિયમ લીગ શરુ થશે.

તમને જણાવી દઇએ કે, શહેરના જામનગર રોડ પર આવેલા સૌરાષ્ટ્ર ક્રિકેટ ઓસોસિએશન સ્ટેડિયમ ખાતે સૌરાષ્ટ્ર પ્રિમિયર લીગ વિશેની જાહેરાત કરવામાં આવી છે. IPLની જેમ જ આ SPLમાં T20 ફોર્મેટ રહેશે. SPLમાં કચ્છ, હાલાર, ગોહિલવાડ, ઝાલાવાડ અને સોરઠ એમ પાંચ ટીમ રમશે. SPLમાં સૌરાષ્ટ્રના ખેલાડીઓ જ ભાગ લેશે. જેઓ સૌરાષ્ટ્ર ક્રિકેટ સાથે રજીસ્ટર થયેલા છે. 

કેટેગરી Aમાં રણજી અને ભારત વતી રમી ચૂકેલ હોય તેવા ખેલાડી છે. કેટગરી Bમાં 23 અને અંડર 19 અને કેટગરી Cમા અન્ય. કેટગરી Aના ખેલાડીઓને દર મેચ પર રૂપિયા 25 હજાર, B કેટેગરીના ખેલાડઓને 15 હજાર અને C કેટગરીના ખેલાડીઓને 10 હજાર રૂપિયા મેચ ફી આપવામાં આવશે.