ફાયદો / મકર રાશિમાં શનિ-મંગળનો સર્જાશે સંયોગ, જાણો કઇ રાશિનું ચમકશે ભાગ્ય

• મકર રાશિમાં મંગળ-શનિનો સંયોગ
• 26 ફેબ્રુઆરીએ મકર રાશિમાં કરશે પ્રવેશ
• મંગળ-શનિનો સંયોગ અશુભ મનાય છે 

જ્યોતિષમાં ગ્રહોનો સેનાપતિ ગણાતો મંગળ 26 ફેબ્રુઆરી 2022ના રોજ શનિની રાશિ મકર રાશિમાં પ્રવેશ કરશે. મંગળ હિંમત, શક્તિ, જમીનનો કારક ગ્રહ છે અને તેના પરિવર્તનથી તમામ રાશિઓ પર મોટી અસર પડે છે. ત્યારે શનિની રાશિ મકરમાં મંગળનો પ્રવેશ મહત્વપૂર્ણ ગણાય છે.

મકર રાશિમાં મંગળ કરશે પ્રવેશ

મંગળ મકર રાશિમાં પ્રવેશ કરવા જઇ રહ્યો છે જો કે આ રાશિમાં પહેલીથી જ શનિ મહારાજ બિરાજમાન છે. ત્યારે શનિ અને મંગળના આ મિલનને જ્યોતિષશાસ્ત્રમાં અશુભ માનવામાં આવે છે, પરંતુ શનિની રાશિમાં આ સંયોગ ખૂબ જ ચિંતાજનક છે. આવી પરિસ્થિતિઓ અકસ્માત, જાનહાનિ, આફત વગેરે બની શકે છે. પરંતુ આ ગ્રહોની સ્થિતિ કેટલીક રાશિઓ માટે પણ શુભ છે.  26 ફેબ્રુઆરીથી મંગળ મકર રાશિમાં જશે ત્યારે જાણીએ કઇ રાશિના જાતકોને થશે લાભ.

મેષ

મેષ રાશિનો સ્વામી મંગળ છે, તેથી આ રાશિને હંમેશા મંગળ ગ્રહની કૃપા રહે છે. મંગળનું આ સંક્રમણ મેષ રાશિના લોકોના કાર્ય માટે સારું પરિણામ આપશે. પ્રગતિ થશે, તમને કોઈ મોટું પદ મળી શકે છે. નેતૃત્વ ક્ષમતામાં વધારો થશે. નવું કાર્ય અથવા વ્યવસાય શરૂ કરવા ઇચ્છુક લોકો આ સમયે તેમની યોજનાને સાકાર કરી શકશે. નોકરી બદલવા માટે પણ સારો સમય છે. આ માટે તકો પણ ઉપલબ્ધ થશે.

સિંહ

આ રાશિના લોકો માટે મંગળનું ગોચર ખૂબ જ શુભ છે. કરિયરમાં તમારા કામને ઓળખ મળશે. તમને પ્રશંસા અને સન્માન મળશે. શત્રુઓનો પરાજય થશે. પૈસાથી ફાયદો થશે. વિવાદોનું સમાધાન થશે.

કન્યા
આ રાશિના જાતકો માટે મંગળનો મકર રાશિમાં પ્રવેશ મોટી સિદ્ધિ સાબિત થશે. અટવાયેલા મહત્વપૂર્ણ કામ હવે પૂરા થઈ શકે છે. ખાસ કરીને મેડિકલ, આર્મી અને પોલીસ સાથે જોડાયેલા લોકો અથવા આ ક્ષેત્રોમાં કારકિર્દી બનાવવા માંગતા લોકો માટે આ સમય ખૂબ જ શુભ છે. લવ લાઈફ પણ સારી રહેશે.

વૃશ્ચિક 
આ રાશિના જાતકોને મંગળની રાશિ પરિવર્તનને કારણે તેમનો આત્મવિશ્વાસ વધતો જણાશે. તેમને મુસાફરીની તકો મળશે અને આ યાત્રાઓથી ઘણો ફાયદો પણ થશે. કરિયર-બિઝનેસ માટે પણ આ સમય સારો રહેશે. એવું કહી શકાય કે આ પરિવર્તન જીવનને નવી દિશા આપશે અને તમારું જીવન સારું બનાવશે. પારિવારિક જીવન પણ ખુશહાલ રહેશે.