ખાનગી બસ ચાલકે બસ પરથી કાબુ ગુમાવતા એકાએક બસ ઉતરી ગઇ રસ્તા પર, જો કે સદનસીબે કોઇ જ જાનહાનિ નહીં...
સાપુતારા ઘાટ પાસે ખાનગી બસનાં એક અકસ્માતની ઘટના સામે આવી છે. સુરતથી સાપુતારા પ્રવાસે જતી બસને અકસ્માત નડ્યો હતો. આ ઘટનાની જાણ થતાં જ પોલીસકર્મીઓ ઘટનાસ્થળે દોડી આવ્યાં હતાં. મળતી માહિતી મુજબ બસ રિવર્સ લેતા સમયે બસ રોડ પરથી નીચે ઉતરી ગઇ હતી. જો કે સદનસીબે આ ઘટનામાં કોઈ જ જાનહાનિ થઈ નથી.
તમને જણાવી દઇએ કે ડાંગનાં સાપુતારા ખાતે રવિવારે વહેલી સવારનાં રોજ એક ખાનગી લક્ઝરી બસ રોડ પરથી એકાએક નીચે ઉતરી ગઈ હતી. સાપુતારા જવાનાં માર્ગે બસને અકસ્માત નડ્યો હતો. સુરતથી સાપુતારા પ્રવાસે જતી ખાનગી બસનાં ચાલકે કાબુ ગુમાવતા બસ રોડથી અચાનક જ નીચે જતી રહી હતી.
ત્યારે જે સમયે બસ અચાનક જ નીચે ઉતરી જતાં મુસાફરોનાં પણ શ્વાસ અધ્ધર થઈ ગયા હતાં. જો કે, સદનસીબે એક પણ મુસાફરને જાનહાનિ ન હોતી થઈ. જો કે તમને જણાવી દઇએ કે આ જ સ્થળે ઘણી બધી વાર અકસ્માતો સર્જાતા હોય છે. ત્યારે આ દુર્ઘટના વખતે મુસાફરોએ બસની બારીમાંથી તેમજ મુખ્ય દરવાજાથી ઉતરીને પોતાનાં જીવ બચાવ્યાં હતાં. પરંતુ જો આ ખાનગી બસ ખીણમાં જતી રહી હોત તો કદાચ મોટી દુર્ઘટના સર્જાઇ હોત પરંતુ સદનસીબે એક મોટી દુર્ઘટના ટળતા રહી ગઇ.