IPLIN
 
  • Home
  • India
  • sansad tv youtube account terminated

Sansad TV / સંસદ TVનું અકાઉન્ટ ગાયબ, યુટ્યૂબે કમ્યુનિટી ગાઈડલાઈનનો આપ્યો હવાલો, યુઝર્સે શેર કર્યા સ્ક્રિનશોટ

Team VTV 01:30 PM, 15 Feb 22
Follow us
sansad tv youtube account terminated

યુટ્યૂબે સંસદ ટીવીના સત્તાવાર અકાઉન્ટને બંધ કરી દીધું છે. ચેનલના પેજ પર જતાં લખાયેલું આવી રહ્યું છે કે યુટ્યૂબ કમ્યુનિટી ગાઈડલાઈનના ઉલ્લંઘન માટે આ અકાઉન્ટને બંધ કરી દેવામાં આવ્યું છે.

  • યુટ્યૂબે સંસદ ટીવીના સત્તાવાર અકાઉન્ટને બંધ કરી દીધું
  • સોશિયલ મીડિયા પર થઈ રહી છે આની ચર્ચા
  • કમ્યુનિટી ગાઈડલાઈનનો આપ્યો હવાલો

યુટ્યૂબે સંસદ ટીવીના સત્તાવાર અકાઉન્ટને બંધ કરી દીધું છે. ચેનલના પેજ પર જતાં લખાયેલું આવી રહ્યું છે કે યુટ્યૂબ કમ્યુનિટી ગાઈડલાઈનના ઉલ્લંઘન માટે આ અકાઉન્ટને બંધ કરી દેવામાં આવ્યું છે. સોશિયલ મીડિયા વેબસાઈટ અમુક યુઝર્સે તેના સ્ક્રિનશોટ અને વીડિયો શેર કરીને દાવો કર્યો છે કે, સોમવારે મોડી રાતે સંસદ ટીવીનું યુટ્યૂબ અકાઉન્ટ હૈક થયું છે. ટ્વિટર પર પણ યુઝર્સે આ વાત નોટિસ કરી. 

 

સોશિયલ મીડિયા પર શું ચર્ચા છે

કેટલાય યુઝર્સે સ્ક્રીનશોટ શેર કરીને દાવો કર્યો છે. દાવો છે કે, મોડી રાતે અકાઉન્ટ હૈક કરીને તેનું નામ 'Ethereum'  કરી દેવામાં આવ્યું છે. આ ક્રિપ્ટોકરન્સી સાથે જોડાયેલ એક વીડિયો પણ લાઈવ કરવાનો દાવો થયો છે. સંસદ ટીવીનું સત્તાવાર ટ્વિટર અકાઉન્ટ પર છેલ્લો વીડિયો સોમવારે રાતે 10.35 કલાકે પોસ્ટ કરવામાં આવ્યો હતો. તેમાં યુટ્યૂબની લિંક છે, જે હાલમાં મળતી નથી.

રાજ્યસભા ટીવી અને લોકસભા ટીવીને મર્જ કરીને બનાવ્યું છે સંસદ ટીવી

કેન્દ્ર સરાકરે ગત વર્ષ લોકસભા ટીવી અને રાજ્યસભા ટીવીને મર્જ કરીને સંસદ ટીવી નામ આપ્યું છે. માર્ચ 2021માં રિટાય્રડ આઈએએસ રવિ કપૂરને મુખ્ય કાર્યકારી અધિકારી બનાવ્યા હતા. 15 સપ્ટેમ્બર 2021ના રોડ ઉપરાષ્ટ્રપતિ એમ.વેંકૈયા નાયડૂને પ્રધાનમંત્રી નરેન્દ્ર મોદી અને લોકસભા અધ્યક્ષ ઓમ બિરલાની હાજરીમાં સંસદ ટીવીનું ઉદ્ધાટન કરવામાં આવ્યું હતું. યુટ્યૂબ પર રાજ્યસભા ટીવીના અકાઉન્ટને જ સંસદ ટીવીમાં બદલી દેવામાં આવ્યું હતું. તે અકાઉન્ટ હવે યુટ્યૂબે હટાવી દીધું છે. 

sansad tv YouTube Social Media સંસદ ટીવી યુટ્યૂબ account
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ