- મહારાષ્ટ્રના રાજકારણમાં સખળડખળ
- ભાજપ પ્રદેશ પ્રમુખના નિવેદનથી થઈ શકે છે ડખ્ખા
- સંજય રાઉત માટે કહી દીધી આ વાત
મહારાષ્ટ્ર BJPના પ્રમુખ ચંદ્રકાંત પાટિલે તાજેતરમાં નિવેદન આપ્યું છે, તેના કારણે મહારાષ્ટ્રના રાજકારણમાં ભૂકંપ આવી શકે છે. પાટિલે સોમવારે દાવો કર્યો હતો કે, શિવસેના સાંસદ સંજય રાઉત NCP પ્રમુખ શરદ પવારના એ એજન્ડા પર કામ કરી રહ્યા છે, જે અંતર્ગત મુખ્યમંત્રી ઉદ્ધવ ઠાકરેને પદ પરથી હટાવીને રાઉતને તેમના સ્થાને બેસાડવાના છે.
ઉદ્ધવ ઠાકરે અમારા દોસ્ત
ચંદ્રકાંત પાટિલે કહ્યું કે, શિવસેના અધ્યક્ષ ઉદ્ધવ ઠાકરેએ મુંબઈ સ્થિત પોતાના નિવાસ સ્થાન માતોશ્રીના પાયો હચમચાવાના પ્રયાસ થઈ રહ્યો છે. તેમણે કહ્યું કે, તે માને કે ન માને, ઉદ્ધવજી અમારા દોસ્ત છે. તે શિવસેના સુપ્રીમ દિવંગત બાલાસાહેબ ઠાકરેના દિકરા છે. અમે કેટલાય વર્ષો સુધી સાથે કામ કર્યું છે.
પાટિલે કહ્યું કે, કોણ છે સંજય રાઉત ?
તે હાલમાં જ શિવસેના આવ્યા હતા અને તે કોને સમજાવી રહ્યા છે ? રાજ્ય ભાજપ અધ્યક્ષ પાટિલે દાવો કર્યો છે કે, અમે ઉદ્ધવજીને કહેવા માગીએ છીએ કે, અમારી સમજણ એવી છે કે, પવાર સાહેબ તરફથી આપવામાં આવેલા એજન્ડા પર રાઉત કામ કરી રહ્યા છે. એજન્ડા આપને મુખ્યમંત્રી પદેથી હટાવાનો છે, કારણ કે, આપે આ પદ પર અઢી વર્ષ પુરા કરી લીધા છે.
રાઉતને મુખ્યમંત્રી બનાવાની કોશિશ ?
પાટિલે કહ્યું કારણ કે સુપ્રિયા સુલેને મુખ્યમંત્રી બનાવી શકાય નહીં, એટલા માટે પવાર માટે રાઉતને મુખ્યમંત્રી બનાવવું સુલેને બનાવવા બરાબર હશે. પુણેની બારામતીથી લોકસભા સાંસદ સુપ્રીયા સુલે શરદ પવારના દિકરી છે.
વર્ષો જૂનો ભાજપ સાથે નાતો તોડી સરકાર બનાવી
મહારાષ્ટ્રમાં 2019માં વિધાનસભા ચૂંટણી બાદ મુખ્યમંત્રી પદને લઈને ભારે ખેંચતાણ થતાં શિવસેનાએ પોતાના લાંબા સમયના સાથી રહેલા ભારતીય જનતા પાર્ટી સાથે નાતો તોડી નાખ્યો હતો. ત્યાર બાદ ઠાકરેના નેતૃત્વમાં પાર્ટીએ, એનસીપી અને કોંગ્રેસ સાથે ગઠબંધન કરીને રાજ્યમાં સરકાર બનાવી હતી.
