બોલિવુડ / સલમાન ખાન મળ્યો જૈન મુનિને, સળંગ 180 દિવસ ઉપવાસ કરનાર એકમાત્ર જૈન મુનિ

• સલમાન ખાને જૈન આચાયૅની મુલાકાત કરી
• હંસ રત્નસુર જાણીતા જૈન આચાર્ય છે
• તેઓ 180 દિવસથી વ્રતમાં હતા 

બોલીવુડ સુપરસ્ટાર સલમાન ખાન હંમેશા પોતાની દરિયાદિલી માટે જાણીતો સ્ટાર છે. જયારે પણ કોઈ પ્રકારનો મોકો મળે ત્યારે તેઓ માનવતાને સમર્થન કરવાનો મોકો છોડતો નથી. ત્યારે હાલના સમયમાં જ સલમાન ખાન એક જૈન આચાર્ય વિજય હંસ રત્નસુરના 180 દિવસના વ્રત પછી તેઓને મળવા પહોચ્યો હતો.  

કોણ છે આચાર્ય હંસ રત્નસૂર?
આચાર્ય હંસ રત્નસુર જાણીતા જૈન આચાર્ય છે. હંસ રત્નસૂરજીના શિષ્યોના જણાવ્યા અનુસાર, આચાર્ય હંસ રત્નસૂરજીએ તેમના જીવનના છેલ્લા બે દાયકામાં કુલ 12 વર્ષ ઉપવાસમાં વિતાવ્યા છે. જૈન ધર્મગ્રંથો અનુસાર ભગવાન મહાવીરે 180 દિવસ સુધી બે વાર ઉપવાસ કર્યા હતા. આચાર્ય વિજય હંસરત્નસુરી એકમાત્ર જૈન સાધુ છે જેમણે 180 દિવસ સુધી 6 વખત ઉપવાસ કર્યા છે.

માત્ર 2.5 કલાક ઊંઘ કરે છે
મુનિ પદ્મ કળશે મીડિયા સાથે વાત કરતા કહ્યુ કે આચાર્યજી માત્ર 2.5 કલાક જ ઉંઘે છે અને બાકીનો દિવસ ધ્યાન પર બેસી રહે છે. તે દિવસમાં બે લિટર ઉકાળેલું પાણી પીવે છે. આચાર્ય વિજય હંસરત્નસુરીના પિતા, મોટાભાઈ અને નાની બહેન પણ સાધુ છે. દીક્ષા પહેલા તેમનો પરિવાર કચ્છના વાગડના આડોઇ ગામમાં રહેતો હતો.

સલમાન ખાને કરી મુલાકાત
ઉપવાસ દરમિયાન સલમાન ખાન આચાર્ય હંસ રત્નસૂરજને મળ્યા હતા. અહેવાલો અનુસાર, આ દરમિયાન આચાર્યએ સલમાન ખાનને જૈન ધર્મના વિવિધ પાસાઓ અને પરંપરાઓ વિશે જણાવ્યું છે. સલમાન ખાન ઉપરાંત સુપરસ્ટાર જિતેન્દ્ર અને અન્ય સેલેબ્સ જેવી અનેક મોટી હસ્તીઓ પણ આચાર્યજીના આશીર્વાદ લેવા માટે આવતી રહે છે.

આ ફિલ્મોમાં જોવા મળશે સલમાન ખાન
સલમાન ખાનના વર્કફ્રન્ટની વાત કરીએ તો અભિનેતા આજકાલ ફિલ્મ કિસી કા ભાઈ કિસી કી જાનના શૂટિંગમાં વ્યસ્ત છે. આ સિવાય તે પોતાની ટાઇગર ફ્રેન્ચાઇઝી 'ટાઇગર-3'ની ત્રીજી ફિલ્મ પર અભિનેત્રી કેટરિના કૈફ સાથે પણ કામ કરી રહ્યો છે. શાહરૂખ ખાન 'પઠાણ'માં કેમિયો રોલમાં પણ જોવા મળશે. તે 'નો એન્ટ્રી 2' અને 'કિક 2'માં પણ જોવા મળશે.