IPLIN
 

મદદ / મજૂરોની મદદ કર્યા બાદ હવે સલમાને માત્ર એક કોલ પર મહિલાઓની કરી મદદ, આ સામાન મોકલાવ્યો

Team VTV 02:02 PM, 13 Apr 20
Follow us
Salman Khan Helps 50 Women Of Malegaon Coronavirus Lockdown

બોલિવૂડનો દબંગ ખાન સલમાન હાલ તેના પનવેલ સ્થિત ફાર્મહાઉસ પર છે અને સેલ્ફ આઈસોલેશનનું પાલન કરી રહ્યો છે. ત્યારે ઘરમાં બંધ હોવા છતાં પણ તે સતત ગરીબોની મદદ કરી રહ્યો છે. થોડા દિવસ પહેલા તેણે ઈન્ડસ્ટ્રીનાં દૈનિક વેતન કમાનારા 25 હજાર ગરીબ મજૂરોની મદદ કરી હતી.

  • સલમાન ખાન નામથી જ નહીં કામથી પણ દરિયાદિલ
  • સલમાન ફરી એકવાર મહિલાઓની મદદ માટે આગળ આવ્યો
  • એક જ કોલ પર પહોંચાડી મદદ

હવે સલમાન માલેગાંવની 50 મહિલાઓની મદદ માટે આગળ આવ્યો છે. માલેગાંવથી એક ઈમરજન્સી કોલ આવ્યા બાદ સલમાને કાર્યકરોની મદદ માટે હાથ આગળ વધાર્યો છે. સલમાન ખાને આ મહિલાઓને ભોજન તેમજ જીવન જરૂરિયાતની વસ્તુઓ મોકલી છે.   

મીડિયા રિપોર્ટ્સ મુજબ, સલમાન ખાનની ટીમે આ અંગે જાણ થતાં તરત જ સહાય કરી. આ વાતની પુષ્ટિ સલમાનના મેનેજરે પોતે કરી છે. તેણે કહ્યું કે, સલમાન ખાન એવા લોકો માટે ઉદાર રહે છે, જેમને ખરેખર મદદની જરૂર છે. તમને જણાવી દઈએ કે, સલમાનની સાથે-સાથે બોલિવૂડના ઘણાં સેલેબ્સે દિલ ખોલીને પીએમ રાહત ફંડમાં દાન કરવાની સાથે ગરીબોની મદદ કરી છે.

વર્કફ્રંટની વાત કરીએ તો, સલમાન ખાન ટૂંક સમયમાં ફિલ્મ રાધેઃ ધ મોસ્ટ વોન્ટેડ હીરોમાં જોવા મળશે. આ ફિલ્મમાં તેની સાથે દિશા પાટની અને રણદીપ હુડ્ડા પણ લીડ રોલમાં છે. આમ તો આ ફિલ્મ ઈદ પર રિલીઝ થવાની હતી. પરંતુ કોરોના વાયરસ અને લોકડાઉનના કારણે ફિલ્મનું એડિટિંગનું કામ બાકી છે અને તેથી તેની રિલીઝ ડેટ પાછળ કરાશે.

Salman khan Help Women malegaon Coronavirus lockdown Bollywood News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ