VIDEO / ફરી કેટરીના સાથે ભાઈજાનની કેમેસ્ટ્રી, સુપર-સ્ટારના નવા એલાનથી ચાહકોમાં ખુશી

 

• સલમાન ખાને કર્યું TIGER 3 નું એલાન 
• ક્યારે થશે રિલીઝ?
• શું છે ફેંસનું રિએક્શન? 

સલમાન ખાને કર્યું TIGER 3 નું એલાન 

સલમાન ખાન તથા કેટરીના કૈફની એક થા ટાઈગર તથા ટાઈગર ઝિંદા હૈ બાદ હવે ટાઈગર 3 ની પણ રિલીઝ ડેટ આવી ગઈ છે. આ વાતની જાણ સલમાન ખાન એક ટ્વીટ દ્વારા કરે છે. સલમાન ખાન 4 માર્ચ 2022 એટલે કે આજે જ ટ્વીટ કરીને લખે છે કે 'હમ સબ અપના અપના ખયાલ રખે...TIGER 3 ON 2023 EID..... સલમાન ખાને જે વીડિયો શેર કર્યો છે તેમાં કેટરીના પણ દમદાર ફાઈટરનાં રૂપમાં જોવા મળી રહી છે.  
આ જાણીને સલમાન ભાઈજાન તથા કેટરીનાનાં ફેંસ વચ્ચે ઉત્સાહ છવાઈ ગયો છે.  આ ફિલ્મ આદિત્ય ચોપરા દ્વારા પ્રોડ્યુસ કરવામાં આવશે તથા મનીશ શર્મા આ ફિલ્મના ડાયરેક્ટર છે. 

Hum sab apna apna khayal rakhen.. Tiger3 on 2023 Eid… let’s all be there ..Releasing in Hindi, Tamil and Telugu. Celebrate #Tiger3 with #YRF50 only at a big screen near you on 21st April 2023. #KatrinaKaif | #ManeeshSharma | @yrf | #Tiger3 pic.twitter.com/StPMGrZ1v5

— Salman Khan (@BeingSalmanKhan) March 4, 2022

ક્યારે થશે રિલીઝ?

આ ફિલ્મ માત્ર હિંદીમાં જ નહી પરંતુ તામિલ તથા તેલુગુમાં પણ રિલીઝ થવા જઈ રહી છે. આ વાતની જાણકારી  પણ સલમાન ખાન ટ્વીટ દ્વારા જ આપે છે. ભાઈજાન આ ફિલ્મની રિલીઝ ડેટ પણ જણાવે છે જે છે 21 એપ્રિલ, 2023. 

શું છે ફેંસનું રિએક્શન? 

ફેંસનાં રિએક્શનની વાત કરીએ તો ટાઈગર 3 રિલીઝ થયાની જાણ થતા ફેંસ ખૂબ જ ઉત્સાહમાં આવી ગયા છે. લોકો સોશિયલ મીડિયા પર અલગ-અલગ પ્રકારની પ્રતિક્રિયા આપી રહ્યા છે. એક ફેન સલમાન ખાનના વખાણ કરતા લખે છે કે THE BIGGEST MEGASTAR જ્યારે બીજું કોઈ લખે છે કે TIGER TIGER TIGER. ટૂંકમાં, આ કોરોના કાળમાં સિનેમાઘરો પણ બંધ રહેવાને કારણે અકળાઈ ગયેલા ફેંસને હવે TIGER 3 પરથી ઘણી આશાઓ છે. 

આ ઉપરાંત સલમાન ખાન સાજીદ નડિયાદવાલાની ફિલ્મ કભી ઈદ કભી દિવાલીમાં પણ પૂજા હેગડે તથા વેંકટેશ સાથે જોવા મળશે. આ ફિલ્મ 20 ડિસેમ્બર 2022નાં રોજ રિલીઝ થશે. આ સાથે જણાવી દઈએ કે શાહરૂખ ખાનની પઠાન પણ જાન્યુઆરી 25 2023નાં રોજ રિલીઝ થવા જઈ રહી છે.